Description
Lidhja Demokratke e Diasporës - LDD " ËSHTË ATY KY FRYMON KULTURA POLITIKE E PRESIDENTIT RUGOVA" / 02122012/ 17122010/ 12112009/
Tell your friends
CONTACT
RECENT FACEBOOK POSTS
facebook.comShtatorja Pfaffenhofen 2016 as 01
BUZËQESHJA PAQESORE E NANË TEREZËS RREZATON EDHE NË PFAFFENHOFEN TË GJERMANISË Halil Rrustemaj Mërgimtarët që jetojnë në Pfaffenhofen me rrethinë, me 18 Qershorë kishin festë të të vërtetë; Zbulimi i shtatores së Nanë Terezës, në sheshin e Kishës Shën Johani, (St. Johannes) qytetit i solli Buzëqeshje Paqesore! Në manifestimin me rastin e zbulimit të Shtatores së Humanistes Nanë Tereza, vepër e skulptorit Miftar Istrefi, nga Mitrovica , ishin tubuar qytetarë vendas e bashkatdhetarë nga të gjitha Landet e Gjermanisë nga Austria, Zvicra e gjetiu. Në evenimentin e përurimit të shtatores së Nanë Terezës, ishin edhe , Skender Xhakaliu, ambasador i Kosovës në Berlin me Stafin konsular në Munih, Flamur Gashi, këshilltar në Presidencën e Shqipërisë, prijës e përfaqësues fetarë si; imzot Dodë Gjergji, At Nikollë Marku, Baba Mondi, mulla Xhevat Kryeziu, patër Marjan Lorenci, Gazmend Demaj, Drejtues i Bashkësisë Katolike Shqiptare për Bavari, deputeti Anton Quni, pastaj zonja Donika Gërvalla kryetare e Degës së LDK-së në Gjermani, Salih Cacaj, zotëri Sepp Steinbüchler, kryetar i Asociacioneve Ndërkombëtare, drejtues asociacionesh kulturore-humanitare, nga Gjermania, Austria, Shqipëria etj. ***** (boss) Burimi: Shtatorja Pfaffenhofen 2016 as 01 - https://www.youtube.com/watch?v=GeSUz_tm_hw&feature=youtu.be
InfoKosova
Kështu është mbrojtë Kosova, e jo sikur sot, nga politikaj të shterrur... ***** Donika Gërvalla në Televizionin shtetëror Gjerman ARD, te "Sabine Christiansen" viti 2000 Donika Gërvalla kundër Millosheviçit në Televizionin shteteror Gjerman ARD, emisioni "Sabine Christiansen" nëvitin 2000 (me titra shqip) ***** (boss)
LDK - BOS
Hafiz Gagica kujton ditëlindjen e Sali Çekajt Do të doja që sot të festonim bashkë! Postuar me: 22 Qershor 2016 Ne ditelindjen e 60-te te heroit te Koshares, Sali Çekajt, nje prej bashkeverpimtareve me te ngushte te tij, Hafiz Gagica e ka kujtuar me keto fjale ditelindjen e Sali Çekajt. Ne nje postim te tij ne Facebook, Gagica e ka kujtuar mikun e tij te ngushe edhe me postimin e fotografive me Sali Çekajn Do të doja që sot të festonim bashkë! Sot, para 60 vitesh, me 22 qershor 1956, në Broliq të Deçanit lindi Sali Çekaj. Djali e dikur burri që e bëri krenarë jo vetëm familjen e tij, ne miqve por gjithë Kosovën. Ai ra heroikisht me 19 Prill të vitit 1999 në Betejën e Kosharës. Një jetë e tërë, angazhim, sfida, vështirës dhe luftë drejtë lirisë së synuar. I përndjekur nga vendlindja ai synimet e veta kombëtare e patriotike i vazhdojë në Gjermani.Takimi me të ishte, nisma e një afrie, rrugëtimi e angazhimi të përbashkët. Mbi të gjitha ishte nga të paktit që me sinqeritetin e tij, burrërine angazhimin e pashembull i shtroj rrugën lirisë me punën dhe së fundi me gjakun e tij. Shpesh këto data na sjellin përpara një jetë të tërë të atij që nuk është më por edhe tonën. Ai ishte dhe mbeti përjetësisht në kujtimet e mia si mik, dhe si shembulli më i mirë se si duhet e mbrohet Atdheu! Ty Heroi ynë që na mungon shumë, familjes dhe Kosovës: Lavdi e përjetshme; punës, veprës dhe heroizmit tënd! Pusho i qetë, Heroi ynë! ***** (boss) Photo by Alkos: Poezi kushtuar Sali Çekajt - Po nisem tha Heroi
E kemi kuptuar se versioni aktual i marrëveshjes së Demarkacionit është i gabueshëm
E kemi kuptuar se versioni aktual i marrëveshjes së Demarkacionit është i gabueshëm Postuar me | 18.06.2016 Deputeti i PDK-së Nait Hasani shpreson se partia më e madhe në vend do të kërkojë rishikimin e marrëveshjes së demarkacionit me Malin e Zi. Në një intervistë për ‘Epokën e Re’, Hasani ka bërë me dije se tani edhe bashkëpartiakët e tij nga rajoni i Dukagjinit e kanë kuptuar se versioni aktual i kësaj marrëveshje është i gabueshëm. Sipas tij, rishikimi i kësaj marrëveshje dhe shkarkimi i komisionit qeveritar që ka bërë demarkacionin do të ndikojë në qetësimin e situatës politike në vend. ***** (boss) Burimi: http://botasot.info/lajme/561231/hasani-e-kemi-kuptuar-se-versioni-aktual-i-marreveshjes-se-demarkacionit-eshte-i-gabueshem/
LDK - BOS
Të arrestohen për tradhti kombëtare Hashim Thaçi, Isa Mustafa, Murat Meha, Kadri Veseli… shitjen e territorit Malit të Zi Postuar me: 18 Qershor 2016 Prokuroria duhet ta hetojë edhe ish presidenten Atifete Jahjaga, e cila jo vetëm nuk mori masa për pengimin e kësaj tradhtie të humbjes së 8.2030 hektarëve tokë, por përkundrazi i krijoi buxhetit të shtetit humbje, për të krijuar një vendim të rrejshëm. Më në fund po zbulohet mashtrimi dhe tradhtia e madhe për kufirin, demarkacionin me Malin e Zi. Por, tani hallin e ka pushteti se si ta mbulojë turpin e tradhtisë. Por, si do ta mbulojnë këtë turp ata dhjetëra e qindra analistë si Halil Matoshi dhe të tjerë që e përkrahnin qeverinë dhe thoshin se protestuesit nuk kishin të drejtë as për demarkacionin. E qartë që protestuesit dhe partitë kishin motive të tjera, dhe ato i kemi shpjeguar të gjitha. Por, çështjet e fatit të territorit nuk duhet të ngatërrohen në asnjë ligjërim, e lëre më në vendime, siç bënin këta analistë dhe vetë pushteti. Por, çështja është se demarkacioni pra territori nuk mund të ngatërrohet me asnjë lloj qëllimi, që mbron dhe rezulton me interesa të ngushta të individëve. Si kemi shkruar dje tash hallin PDK-ja e ka si ta mbulojë turpin dhe tradhtinë e Thaçit me demarkacionin. Pra, si ta bëjë në atë mënyrë që të mos hetohet Thaçi nga drejtësia, që të mos i kërkohet llogari? Po, kush do ta hetojë ish presidenten Atifete Jahjaga, e cila jo vetëm nuk mori masa për pengimin e kësaj tradhtie të humbjes së 8.2030 hektarëve tokë, por përkundrazi ndërmori një operacion tradhtie, duke krijuar një komision ndërkombëtar, i cili do të mbulonte turpin e Hashim Thaçit, Isa Mustafës dhe të kryetradhtarit Murat Meha, dhe të ndihmësve të tyre. Ky komision krijoi edhe shpenzime prej qindra mijëra eurosh, të cilat i pagoi Qeveria e Kosovës. Njësoj siç u veprua me hetimin kinse të ‘vetëvrasjes’ së Dino Asanajt, ndërkombëtarët morën paratë, krijuan dosjen e re, dhe e mbyllën çështjen siç deshën pushtetarët, dhe sigurisht kjo dëshirë është plotësuar duke shpenzuar miliona euro të tjera nën rrogozë. Dhe kjo është një çyshtje më vete që duhet të hetohet, keqpërdorime dhe abuzime dhe krim tjetër. Pra, ky proces na zbuloi grupin më të madh të tradhtarëve që ka njohur ndonjëherë historia, në bashkëveprim të hapur, dhe duke kundërshtuar faktet dhe dokumentet gjeografike, historike, ë i kishte Kosova, dhe të cilat i kanë prodhuar institucionet e atëhershme të Jugosllavisë komuniste, pjesë e së cilës ishte me status autonom të plotë që nga 1974-ta, dhe po ashtu me kokëfortësinë më të madhe refuzuan edhe rezultatet shkencore të prodhuara veçmas nga dy gjeografët kompetent Florim Isufi dhe Shpejtim Bulliqi, ligjërues në katedrën e gjeografisë në UP. Shpejtimi po ashtu është pjesë e Grupit Parlamentar të LDK-së. Si ndihen sot dhe në vazhdim më shumë se 80 deputetë shqiptarë, të cilët kurrë nuk e ngritën zërin për të kërkuar të vërtetën për kufirin. Si do të ndihen ata shqiptarë, gazetarë, media, botues dhe mashtrues që nuk donin t’ia dinin për kufirin, por vetëm për pushtetin, dhe këtu hyjnë thuaja të gjitha mediat pa përjashtim, përveç atyre zërave atdhedashës dhe intelektualë që nuk iu nënshtruan vullnetit të pushtetit, vullnetit të mafisë dhe bandave. Por, edhe dorëzimi i këtyre bandave është një shenjë e mirë, e shthurjes së mafisë shtet, në krye me Hashim Thaçin, Kadri Veselin, Xhavit Halitin, dhe banditin e fshehtë Isa Mustafa, që është shndërruar në levë të tyre. Në zyrën e Isa Mustafës, dhe jo vetëm njëherë, pasi edhe nëpërmjet anëtarëve të tjerë të Qeverisë, ishte informuar dhe i ishin vënë në dispozicion të gjitha dokumentet e nevojshme, dhe po për këtë gjë është kritikuar me kohë. Tani është momenti jo vetëm që të pengohet plotësisht kjo tradhti, që u bë më e qartë me thyerjen e grupeve kriminale brenda PDK-së, me arrestimin e Azem Sylës, por të shkohet gjer në fund. Opozita nëse e ka sinqerisht duhet të kërkojë me ngulm tani krijimin e një komisioni parlamentar për hetimin e punës së Komisionit Shtetëror për Demarkacionin me Malin e Zi, dhe për hetimin e të gjitha strukturave të shtetit, që çonin në faljen e territorit të Kosovës, gati një për qind të tij Malit të Zi, dhe më shumë se 0.5 % i është falur Maqedonisë, dhe po aq pritet ti falet Serbisë nga këto struktura pro serbe në pushtet, duke e çuar tkurrjen e territorit në rreth 2%. Sigurisht se Hashim Thaçi është shantazhuar ose ka pasur në plan zbatimin e ndonjë projekti të madh për të përfituar më pas miliona e miliona euro nga falja e territorit malit të Zi, ndërsa për me Maqedoninë, është e qartë se ai është shantazhuar me videot e incizuara në pufet që i vizitonte në Shkup, ku në vend të një territori prej 200 hektarëve, iu dhanë Maqedonisë mijëra të tjerë. Tani është koha për të nisur kërkimin e llogarive, që Prokuroria e shtetit të nisë të hetojë sipas Kodit Penal të Kosovës, Hashim Thaçin, Isa Mustafën, Kadri Veselin, Murat Mehën dhe të tjerët të përfshirë në faljen e territorit Malit të Zi, që në fakt i bie shitje territorit për pastrim dosjesh të Thaçit apo përfitim milionash ku shpërblimet do ti kishin edhe këta bashkëpunëtorë në krim. Isa Mustafa edhe nëse nuk ka përfituar dhe nuk do të kishte përfituar asgjë nga kjo, ai e ka mbrojtur me këmbënguljen më të madhe ndryshimin e kufijve në dobi të Malit të Zi, duke deklaruar dhe garantuar si kryeministër se Kosova nuk do të humbte asnjë centimetër katror, dhe këtë e ka bërë i vetëdijshëm, pasi ka qenë siç argumentuam tejet i informuar me të vërtetën e kufirit. Nëse Prokuroria e shtetit nuk e bën këtë, atëherë, duhet ta dinë drejtues të saj, se edhe ata kanë bërë dhe po bëjnë në vazhdimësi krim, pasi në mënyrë pasive po e lejojnë grupin kriminal të fal territore, dhe se për këtë jo shumë larg do të hetohen. Nuk ka vepër penale më të rëndë në asnjë shtet të botës, se sa kur kapet një politikan duke i falur territor një shteti tjetër. Përveç që është tradhti dhe turp, kjo është kryevepra e krimit të organizuar. ***** (boss) Burimi: SHQIPTARI.EU - http://www.shqiptari.eu/te-arrestohen-per-tradhti-kombetare-hashim-thaci-isa-mustafa-murat-meha-kadri-veseli-shitjen-e-territorit-malit-te-zi/ Photo: Kadria, Murati, Isa e Hashimi
Qeveria pranon që të rinegociohet demarkacioni
Qeveria pranon që të rinegociohet demarkacioni Postuar me: 08 Qershor 2016 Marrëveshja për Demarkacionin me Malin e Zi, mund të rinegociohet apo për këtë marrëveshje të ngitet komision i ri. Por, këto propozime duhet të përcillen me fakte, argumente të parrëzueshme, të cilat më pastaj duhet të marrin aprovimin e Kuvendit. Këtë e ka thënë për Tribuna Channel, Faton Abdullahu, këshilltar politik i kryeministrit Mustafa. Abdullahu thotë se gjithmonë ka hapësirë për ta rishqyrtuar krejt procesin e demarkacionit nëse sillen fakte dhe argumente të parrëzueshme, të cilat do t’i vënë në pyetje gjetjet e deritashme të Qeverisë apo edhe më saktë do t’i rrëzonin ato si të pasakta. Edhe nga opozita thonë se duhet të rinegociohet marrëveshja apo edhe të ngritët një komision i ri për Demarkacionin. Nënkryetari i Aleancës për Ardhmërinë e Kosovës, Ali Berisha ka thënë se ka qenë kërkesë e vazhdueshme që Komisioni i cili ka bërë gabimin me vendosjen e demarkacionit të vijës kufitare me Malin e zi duhet të shkarkohet dhe duhet të fillohet nja proces i ri i negocimit për demarkacionit. ***** (boss) Burimi: https://youtu.be/HK-3AUPM8IQ
FEJZA: MUSTAFA E BUKOSHI PADITEN NE 4 SHTETE
Fejza: Isa Mustafa e Bujar Bukoshi paditen ne 4 shtete per Fondin e 3 perqindshit E Marte, 7 Qershor 2016 Dhoma e Lajmeve e Televizionit Rrokum ka kohe qe po grumbullon te dhana qe lidhen me dyshimet e riaktualizueme ku dyshohet se Fondi i 3 perqindshit, i njoftun si Fondi i Republikes, asht keqmenaxhue e vjedhe. N’intervistë ekskluzive për Dhomen e Lajmeve te Televizionit Rrokum, ish-anëtari i komisionit rajonal në Fondin 3%, Nezir Fejza, demanton deklaratat e Kryeministrit Isa Mustafa dhe ish-kryeministrit Bujar Bukoshit se ne kete Fond ishin grumbullue vetëm 450 milionë marka gjermane. Fejza ma tej thotë se, si anëtar i komisionit nga viti 1995, nuk ka pas mundësi me vertetue se ku janë shkue dhe kush i ka tërheq paret, sepse Bujar Bukoshi dhe Isa Mustafa e kanë shkarkue komisionin si mbledhës. Se ku kanë shkue paret e mbledhuna nga qytetarët e Republikës, avokati Tom Gashi thotë se duhet me angazhue auditorë përkatës që të vërtetojnë çdo markë të tërhequn. Televizioni Rrokum ka sigurue edhe përgjigjen zyrtare nga Prokuroria Speciale e Kosovës, ku thuhet: “Prokuroria Speciale e Republikës së Kosovës, ka marrë aktvendim për fillimin e hetimeve lidhun me Fondin 3%. Këtë e ka ba për shkak të disa veprimeve të dyshueme nga tre persona, të cilët kanë tërheqë disa shuma të pareve mbrenda 6-7 viteve të fundit”. Mirëpo, Prokuroria Speciale në përgjigjen për Televizionin Rrokum tregon se deri sot janë sigurue prova të mjaftueshme, por ende nuk asht marrë vendimi se të pandehunit kanë krye apo jo vepër penale. Fondi 3% ishe themelue në vitet e 90’ta dhe qëllimi i krijimit te këtij fondi ishte që te ndihmohej arsimi në Kosovë dhe institucionet paralele në përgjithësi. Nga viti 1991 e deri në vitin 1999, si u raportue nga pergjegjesit e ketij fondi, ne fond u grumbulluen 217 milionë marka, 3,6 milionë dollar, 30.3 milionë FRS dhe 24 mijë Funta. ***** (boss) Burimi: https://www.youtube.com/watch?v=DcB27-d4LF8
GËRVALLA: MUSTAFA E BUKOSHI TË JAPIN PËRGJIGJE PËR FONDIN E 3 PËRQINDËSHIT
GËRVALLA: MUSTAFA E BUKOSHI TË JAPIN PËRGJIGJE PËR FONDIN E 3 PËRQINDËSHIT Postuar me: 02 Qershor 2016 Në vazhdimin e intërvistës dhënë portalit Arbresh.info, Donika Gërvalla flet për deputetët e LDK-së të cilët e mbështesin atë, për ndikimin që këto ngjarje sjellin tek dega e LDK-së në Gjermani, për fondin e 3 përqindëshit, mënyrën se si u keqpërdor ky fond dhe për fundosjen ose ecjen përpara të LDK-së. Arbresh.info: Cilët janë deputetët që po iu mbështesin nga LDK-ja? Donika Gërvalla: Që në start ky koalicion ka hasur në radhë të parë rezistencë masive në popullatë, ka shkaktuar eksodin më të madh të mundshëm. Është e vazhdueshme rezistenca e një pjese të deputetëve të LDK-së ndaj vendimeve të partisë, shpesh rezistencë e hapur e shpesh nëpër degë ose në grup parlamentar. Pa dashur të përmend emra Isa Mustafa le të forcohet mirë së bashku me Agim Veliun, me Ismet Beqirin, e Lutfi Hazirin, e gjithë kjo kastë e tyre që e simbolizon këtë degjenerim total të LDK-së ata le të shtrëngohen mirë pasi që përkrahja në anëtarësi për rrymën reformuese brenda LDK-së është jashtëzakonisht e madhe dhe nuk mundet as Isa Mustafa dhe as ata që i shantazhojnë njerëzit ta ndaloj sepse kjo nuk do të funksionojë më. LDK është parti masive dhe në momentin që ndizet shkëndija është e pandalshme. A do të ketë ndonjë ndikim kjo që po ndodh në LDK në degën në të cilën ju përfaqësoni? Donika Gërvalla: Kam mesazhe të shumta nga aktivistët në mërgatë dhe atje zemërimi është i jashtëzakonshëm. Nuk është skenë e bukur për askënd të shohë një kryetare të zgjedhur në formë legjitime ku kemi qëndruar nga 9 orë në kuvend për ti kryer zgjedhjet tona. Unë do t’i pyesja konkretisht në LDK rreth zgjedhjeve në Gjermani do t’i thosha cili person e ka shqyrtuar dokumentacionin që është dorëzuar nga dega e LDK-së në Gjermani? Cila është kritika konkrete? Cila parregullsi është identifikuar në ato zgjedhje? Por në mënyrë paushall të thuash se zgjedhjet që janë bërë atje janë të parregullta nuk shkon sepse ne jetojmë në një shtet ligjor. Unë e kam paditur Isa Mustafën dhe Ismet Beqirin në prokurori ndër të tjera për pengim në ushtrimin e detyrës zyrtare dhe të të drejtave që rezultojnë nga statuti. Do të doja shumë që një gjykatë ta shqyrtojë dokumentacionin lidhur me këtë pikë sepse nuk është në rregull. Unë nuk jam e gatshme të hyjë në zgjedhjet e reja pa e ditur se ku qëndron gabimi i zgjedhjeve të vjetra. Jam e gatshme të ulemi në tavolinë dhe të dyja palët të bisedojmë ta gjejmë defektin dhe nëse ka do të hyjmë në zgjedhje pa asnjë problem. Në kohën sa Isa Mustafa nuk ishte kryetar i kësaj partie flitet edhe për keqpërdorimin e fondit të 3 përqindëshit. A është kjo edhe një arsye tjetër që të reagoj ndaj jush pasi që ju përfaqësoni një pjesë të diasporës? Donika Gërvalla: Ka një defekt në këtë çështjen e 3 përqindëshit, mungon një raport i detajuar rreth të hyrave, të dalave të mjeteve financiare, sa kanë mbetur dhe për çfarë janë shfrytëzuar ato. Mbi 50 milion mbas çlirimit të Kosovës janë sjellë në Kosovë, pra mungon një raport i detajuar i Kuvendit të Republikës së Kosovës çka ka ndodhur me ‘Dardania Bankën’, kush e ka themeluar, për çfarë arsye, sa mjete kanë kaluar në të dhe cili është statusi i saj aktual. Për çdo sipërmarrje të vogël që punëson tre njerëz ky shtet kërkon llogari a është paguar tatimi dhe obligimet e tjera ligjore. Edhe për këtë fond që është djersa e atyre njerëzve e në të cilin kanë kontribuar njerëz që kanë jetuar me 400 marka në muaj, që kanë marr ndihma sociale duhet të ketë një korrektësi të jashtëzakonshme deri në centin e fundit se ku janë përdorur ato mjete. Ka njerëz që thonë se ka konto të hapura nga të cilat ende tërhiqen të holla dhe këtë duhet ta dijë opinioni a është e vërtetë apo jo. Poashtu të tjerë thonë që janë hapur hetimet edhe në Tiranë me kërkesë të Prishtinës ndaj Bujar Bukoshit dhe të tjerëve rreth çështjes së fondeve. Është një përgjegjësi e madhe ndaj të gjitha atyre mjeteve që janë mbledhur. Unë kam lexuar një raport ku ka raportuar Bujar Bukoshi pranë kuvendit dhe ai është një raport i mangët sa që nuk do ti bënte nder asnjë shoqate joqeveritare. Ky opinion në Kosovë ka një të drejtë të patjetërsueshme që ta dijë se çka ka ndodhur me ato të holla dhe është një shancë për Isa Mustafën, Bujar Bukoshin dhe të tjerët që ta dëshmojnë që përdorimi i mjeteve të mbledhura ka qenë ashtu për çka janë dhënë pra për luftë, për shkolla. Poashtu duhet të dihet kush i ka marrë vendimet nga struktura politike për ato mjete? Një gjë që duhet të dihet është se ai ka qenë fond qeveritar, pra të gjithë kanë thënë se ky është tatimi që po e paguajmë për shtetin tonë. Është dashur të mos dalë asnjë cent nga ai fond pa miratimin e komisionit buxhetor të kuvendit të Kosovës. Si e shihni të ardhmen e LDK-së? Donika Gërvalla: LDK-ja ndodhet para greminës, dhe është shumë reale kjo. Tash pyetja është a do ta bëjë LDK hapin drejt greminës dhe në një periudhë jo shumë të gjatë LDK-ja do të pushoj së ekzistuari sepse në momentin që ti e humbet besimin e votuesve tu, ti je një element në skenën politike, por LDK-ja mund të shuhet përfundimisht ose do të arrijë që të fillojmë të bëjë hapa prapa që t’i largohemi greminës përfundimisht. Të gjithë miqve që po përpiqemi së bashku që të bëjmë një lloj reforme ose kthimi të LDK-së aty ku e ka vendin iu them që ky nuk është një sprint 100 metra por reformimi i LDK-së është maratonë e cila kërkon kohë, angazhim dhe mbi të gjitha kërkon sinqeritet. Duhet ti bindësh ata njerëz që janë në teren që të besojnë prapë në këto tri shkronja. LDK tani ndodhet në udhëkryq këndej ose andej. Me Isa Mustafën, Ismet Beqirin, Agim Veliun, Lutfi Hazirin dhe këtë strukturë LDK-ja përfundimisht shkon drejt shkatërrimit të saj total sepse nuk mund të pritet nga varrmihësit e LDK-së që të bëjnë reformën kështu që ne do të punojmë në teren shumë dhe të përpiqemi ti ngjallim strukturat që kanë vdekur në ndërkohë dhe, besoj që në mos në zgjedhjet parlamentare që po presim të gjithë së bashku, atëherë në zgjedhjet që do të vijnë të tjerat LDK do të jetë përsëri forca e parë politike në këtë vend. ***** (boss) Burimi: /V.Berisha/Arbresh.info - http://www.republikaonline.net/gervalla-mustafa-e-bukoshi-te-japin-pergjigje-per-fondin-e-3-perqindeshit/
Rrokum Roll: Donika Gërvalla, kryetare e degës së LDK në Gjermani
Ekskluzive: Donika Gervalla rrefen te pathanat publike per Rupert Neudeck E Merkure, 01 Qershor 2016 “Rupert Neudeck asht nji prej figurave ma kombetare per gjermanet. Ne çdo bisede qe e kam pase me te, gjithmone ka tregue se Kosova per te asht shume e veçante. Shqiptaret e kane njofte ate per nji njeri qe i ka ndihmue ne momentet ma te veshtira”, keshtu ka thane ne Rrokum Roll, Donika Gervalla, kryetare e deges se LDK’s ne Gjermani. “Neudeck na ka ndihmue jashtezakonisht shume ne hapjen e dyerve te institucioneve gjermane, dhe integrimin ne to”, tha Gervalla. Ajo ne vazhdim kallxoi se, takimi i tij me shqiptaret ka ndodhe ne menyre indirekte nga Gjermania. “Nuk ka qene e lehte per neve ne Gjermani, se dihet qe nuk kemi qene faktor atje, sepse politika serbe e ka krye ndikimin e saj, per shkak se na njifeshim ja si injorante, ja si terroriste. Para se me u takue une me te, ai ka pase takime me Ibrahim Rugoven”. E, ajo qe i ka pelqye ma s’shumti humanistit gjerman, Gervalla tha se ka qene gjuha e perdorun ne njoftimet e qendres informuese te shqiptareve ne Gjermani, e cila simbas saj, ishte e zhveshun nga politikat e qe veç ka qene informim. Gervalla ne vazhdim, kujtoi se atij ju besuen 58 milione marka per me ndihmue Kosoven me u rindertue, mbas luftes. “Ku ka ma mire per shqiptaret se sa me ju dhane detyre me ndertue vet shtepine e tij a te kojshise”, tha Gervalla, tue kallxue se, Neudeck kur e ka vizitue Kosoven nuk asht perqendrue ne Prishtine, por qe ka pase deshire me i vizitue vendet qe nuk i ka pa askush. Gervalla kallxoi se bahske me Neudeck kane pase plane me vizitue Kosoven. “Per pak jave ka pase me ndodhe vizita, por ja qe fati nuk e deshi”. E, ne pyetjen se si ka me kujtue ajo humanistin, Gervalla tha se, “ka me i mbete ajo hija e humanistit shume te madh, dhe qe ka me qene nji nder personalitetet ma te shqueme qe i ka takue ajo ne jeten e saj”. “E pyes veten se si keta njerez si Rupert Neudeck e Nane Tereza munden me ja kushtue tane jeten humanitetit”. Gervalla ne fund ka fole edhe per ardhjet e saj ne Kosove. “Jetojme ne nji kohe kur interneti na mundeson te jemi te pranishem edhe atehere kur nuk jemi, informatat me vijne. Kam me ardhe edhe ma shpejt se qe ka me i pelqye dikujt”, tha krejt ne fund Gervalla. ***** (boss) Burimi: Rrokum Roll: Donika Gërvalla, kryetare e degës së LDK në Gjermani - https://youtu.be/QtK0w1ekZ-U
O Isa Mustafa kohët kur kryetari i partisë bënte çfarë donte, kanë vdekur bashkë me Jugosllavinë
O Isa Mustafa kohët kur kryetari i partisë bënte çfarë donte, kanë vdekur bashkë me Jugosllavinë Publikuar me: 28 Maj, 2016 Isa Mustafa, ky frikacak i paparë Shkruan: Donika Gërvalla Sa për informacion: Natyrisht që unë jam Kryetare e Degës së LDK-së në Gjermani. E zgjedhur në mënyrë korrekte dhe me votë të fshehtë. Z. Mustafa duhet të pushojë së treguari të pavërteta. Ai e di që zgjedhjet në Gjermani kanë qenë korrekte dhe që një gjë e tillë është e dokumentuar. Përsëritja e të pavërtetave para syve të një populli të tërë nuk i bën nder as Isa Mustafës dhe as njerëzve rreth tij. Nuk jam e gatshme të pranoj edhe më gjatë përhapjen e të pavërtetave në adresë timen dhe të veprimtarëve të Degës në Gjermani. Jo vetëm unë jam ngopur me këto lojëra të shëmtuara intrigash dhe gënjeshtrash. Z. Mustafa, vihuni në kërkim të nderit tuaj, ose së paku pushoni së treguari të pavërteta aty ku një gjë e tillë është krejtësisht e panevojshme. Këta njerëz i kanë shpallur luftë së vërtetës. Nëse nuk iu dalim ballë për ballë në këtë luftë, atëherë nuk do të na mbetet tjetër, veç se të jetojmë edhe ne në gënjeshtër. Pikërisht Isa Mustafa, “i zgjedhur” pa i lëvizur qerpiku, para gjithë opinionit shqiptar dhe ndërkombëtar duke shkelur normat statutare të LDK-së në mënyrë krejtësisht jolegale me aklamacion, është personi i fundit, i cili do të duhej të gjykonte apo vlerësonte procese zgjedhore. Aq më tepër që Statuti i LDK-së e përcakton saktë se kush merret me verifikimin e zgjedhjeve brenda LDK-së. Një gjë duhet të kuptojë Isa Mustafa, që kohët kur kryetari i partisë bënte çfarë t’i tekej, në Kosovë kanë vdekur së bashku me shtetin jugosllav. Të gjithë e dimë se çfarë e shtyn Isa Mustafën: Frika. Nuk është vështirë ta shohësh frikën në sytë e këtij personi, i cili ndërkohë është kthyer në një pengesë serioze për progres dhe zhvillim në Kosovë dhe LDK. Forma e komunikimit publik (jo vetëm në Facebook) dhe marrjes së vendimeve, Isa Mustafën e ka kthyer si brenda, ashtu edhe jashtë Kosovës në një karikaturë. Dëmi që i është shkaktuar Kosovës edhe deri tani është i madh. Si miqtë, ashtu edhe kundërshtarët e Kosovës e dinë mirë se çfarë po ndodh këtu. Politika e vendit duhet të bëhet nga gra dhe burra të këtij vendi, të cilët janë të guximshëm dhe të qëndrueshëm, dhe jo nga frikacakë, të cilët nuk kanë probleme serioze me të vërtetën. Statuti i LDK-së është shumë i qartë: kush nuk zgjidhet me votë të fshehtë, nuk konsiderohet si i zgjedhur, sepse votimi është i pavlefshëm. Isa Mustafa në vitin 2015 nuk është zgjedhur me votë të fshehtë. Këtu nuk ka asnjë hapësirë interpretimi. Ambasadat e vendeve mike të Kosovës, duke u nisur nga SHBA-të e deri tek Gjermania janë njoftuar rreth zhvillimeve në LDK nën drejtimin e Isa Mustafës drejt një partie autoritare dhe jodemokratike. Po ashtu janë informuar edhe rreth rreziqeve që fshehin zhvillimet e tilla. Askush nuk do të na ndalë të vazhdojmë të themi të vërtetën. Funksionarë, të cilët gënjejnë qytetarët dhe kombin, jo se jo. Hapat e mëtejmë për rivendosjen e drejtësisë sipas Statutit të LDK-së dhe ligjeve të vendit do të pasojnë gjatë ditëve të ardhshme. ***** (boss) Burimi: http://www.shqiptari.eu/o-isa-mustafa-kohet-kur-kryetari-i-partise-bente-cfare-donte-kane-vdekur-bashke-me-jugosllavine/
Osmani: LDK nuk duhet të frikësohet nga zëri i Gërvallës dhe Dibranit
Osmani: LDK nuk duhet të frikësohet nga zëri i Gërvallës dhe Dibranit Osmani: LDK nuk duhet të frikësohet nga zëri i Gërvallës dhe Dibranit Pas ndalimit të Donika Gërvallës dhe Shefqet Dibranit për të marr pjesë në Kuvendin e Punës së LDK-së, ka reaguar deputetja e kësaj partie, Vjosa Osmani. Osmani ka thënë se ky trajtim i familjeve dhe i përfaqësuesve legjitim të degëve të diasporës është krim në vetvete, pasi nuk ka arsye që organet e LDK-së të frikësohen nga fjala e lirë, raporton KP. “Sot ka ndryshime statutare dhe ne luftën duhet ta vazhdojmë edhe brenda. I kemi propozimet tona. Nëse i kanë ftuar afër 400 persona, nuk do të duhej të frikësoheshin edhe për dy zëra”, ka thënë ajo. ***** (boss) Burimi: http://www.telegrafi.com/osmani-ldk-nuk-duhet-te-frikesohet-nga-zeri-gervalles-dhe-dibranit/
Pamje nga ndalimi i Donika Gervallës dhe Dibranit në Kuvendin e LDK së 28 05 2016 65
Gërvalla dhe Dibrani nuk u lejuan që të marrin pjesë në Kuvendin e LDK-së Postuar me | 28.05.2016 Anëtarë të të gjitha degëve të Lidhjes Demokratike të Kosovës në mëngjesin e sotëm u mblodhën Kuvendin Punues të këtij subjekti politik, me temën “Proceset Integruese Evropiane të Kosovës -Roli i LDK-së”. Mirëpo, në këtë konventë nuk u lejua që të marrë pjesë kryetarja e Degës së LDK-së në Gjermani, Donika Gërvalla, por kësaj radhe se bashku me Shefqet Dibranin. Ndalimi i hyrjes së Gërvalles në vendin ku po pritej të fillonte punën, Kuvendi i LDK-së, u bë nga sigurimi, me arsyetimin se nuk kishe ftesë. Por për ta hedhur poshtë këtë arsyetim deputetja, Vjosa Osmani, e cila shoqëronte Gërvallën, i dha asaj ftesën e saj, por prapë pjesëmarrja e Gërvalles nuk u lejua. Pas konfrontimit verbal në mes të saj dhe sigurimit, Gërvalla u tërhoq duke bërë thirrje që anëtarët e LDK-së, që të ndikojnë sa më shumë për ndryshime pozitive në statutin e këtij subjekti politik. Gërvalla: I lus kolegët të ndikojnë për ndryshme pozitive në statut “Unë do të rri, do të pres. I lus të gjithë kolegët që janë delegatë të këtij Kuvendi edhe ata që kanë ardhë se bashku me ne për të mos na lënë vetëm dhe me na përkrahë, i lus të gjithë që të hyjnë e të marrin pjesë në punim et e këtij Kuvendi dhe nga brenda Kuvendit të përpiqen që të ndikojnë sa më shumë në ndryshme pozitive që kanë të bëjnë me statutin, me programin e LDK-së dhe të gjitha vendimet e tjera që do ët merren. Kuvendi i LDK-së është organi më i lartë i kësaj partie dhe këta duhet ta dinë se prej tyre sot pritet shumë. Prandaj, urojë që kjo çështje përjashta tash të përfundon dhe të fillojë puna e vërtetë në Kuvend”, tha ajo. Ndërsa, deputetja nga kjo parti politike, Vjosa Osmani tha se ajo do të marrë pjesë në këtë konventë duke vazhduar luftën brenda, derisa pengimin e pjesëmarrjes së Gërvalles dhe Dibranit e quajti krim. Osmani: Trajtimi në këtë mënyrë është krim “Ne kemi diskutuar me të gjithë kolegët, përfshirë edhe me dy kryetarët e degëve të mërgatës, Gërvalla dhe Dibrani që pavarësisht se çka ndodhë këtu ne duhet at vazhdojmë luftën tonë edhe brenda sepse siç e dini ka ndryshime statutore shumë të rëndësishme që do të diskutohen sot dhe ne i kemi propozimet tona, të cilat shpresoj se do të përkrahen. Megjithatë, dua ta përsërisë atë që e kam thënë edhe para një viti në Kuvendin e tetë zgjedhor se ky trajtim i familjeve dhe i përfaqësuesve legjitim të degëve të diasporës, pra trajtimi i tyre në këtë mënyrë është krim në vetvete. Nuk ka asnjë arsye që organet e LDK-së dhe në këtë rast lidershipi i LDK-së të frikësohen nga fjala e lirë, të frikësohen nga fuqia e argumentet apo të frikësohen siç e tha Gërvalla në mesin e afër 400 njerëzve të tjerë të ftuar të marrin pjesë edhe dy zëra me shumë. Pra, në qoftë se ata vërtetë besojnë në veprimet e tyre dhe besojnë në drejtësinë e veprimeve të tyre nuk do të duhej të frikësoheshinnga pjesëmarrja e përfaqësuesve legjitim të diasporës në këtë Kuvend”, tha ajo. Pas ndalimit të pjesëmarrjes së Gërvalles dhe Dibranit, LDK-ja filloi punimet e konventës, me qëllim të disa ndryshimeve në statutin e kësaj partie. ***** (boss) Burimi: https://www.youtube.com/watch?v=KY0zRxrk6Xo
Quiz
