Hennie bedank nog veur 't vroege opstaon en 't make van de traditionele groepsfoto op de Bahnhof in Emmerik!!

11e van de 11e weer Uut de Kunst!! Stökkum / Kölle – Jaowel: ’T weer is al ’s mooier geweas op de 11e van de 11e en ’t is óók al’s minder druk geweas, maor dat kon de 67 carnavaliste uut Stökkum en umstreke d’r niet van weerholde um d’r weer ’n prachtige dag van te make in ’t Carnavalsmekka van Europa: Kölle!! ’s-Marges ging de wekker bi-j de meeste carnavaliste al rond half zes. Um 6.33.u. kon Reiseleiter Roy aan de Bussjoffeur ’t teke van vertrek geve en nao ’n tussestop bi-j De Peer in ’s-Heerenbarg kowwe deurkachele naor de Bahnhof in Emmerich. Daor stond onze hoffotograaf Hennie Freriks ook ondanks dit vroege tijdstip al klaor um ons op de gevuulige plaat te legge. En ook kaatjesverkoper Büllent was ’n uur eerder uut zien nes gekroape um ’t bonte gezelschap vanuut Stökkum en umstreke weer richting Kölle te zien vertrekke!! Extra hindernis was dawwe dit jaor in Wesel um moeste steige. Dat betekende dat de vaetjes bier onder de arm geslage moeste wodde en met de glaes bier in de Kneûk van Perron 3 naor 4 gewisseld moes wodde. De trein arriveerde leag in Wesel, maor naodawwe allemaol ware ingestap wasse al veur drie kwart vol. Belangriekste was dawwe in ieder geval allemaol konne zitte en wiejer konde gaon met waor we met bezig ware: Bierkes drinke en deurgeave van kéés, worst en andere snuisterije. In Kölle kwamme we 22 minute later aan dan geplend en dat betekende in sprint naor de Heuimarkt. Jammergenog was niet iedereen optied binne veurdat ’t plein afgesloate wed. Toch had iedereen schik en ware wi-j ondanks ’t mindere weer alles bi-jmekaar aan ’t end van de dag méér nat van binne dan van buute!! Nao gesjoenkeld en geproos te hebbe met half Nederland en ’t grootste gedeelte van Duitsland begonne wi-j met ’t grootste gedeelte van de club aan de trugweg. Deur de druktes kon jammergenog niet iedereen op tied de Bahnhof bereike, maor uuteindeluk zuwwe allemaol weer thuusgekomme! De drukte had ook as naodeel dat we net te laat in Duusboerg aankwamme um daor oaver te kunne stappe op de Zoeg naor Emmerich. Deur de meeste wed van dit naodeel ’n veurdeel gemaak deur op de Bahnhof nog ’n extra biertje te nemme en de joegend liet zien dat carnaval ook bi-j hun nog steeds in de lift zit (en hun eiges óók!). ’N tillfeoontje naor busvervoerder Gademan zörgde d’r veur dat de sjoffeur teruggeroepe wed en ons ’n uur later op de Bahnhof van Emmerich op kwam hale!! Via de haltes Dolle Graaf en Pluum belandden wi-j weer bi-j de kerk van Stökkum, waor we vermuuid maor met ’n grote lach weer op huus aan keerden: De 11e van de 11e was weer uut de Kunst!!

Veur diegene, bi-j wie de mail niet aangekomme is en veur diegene die wil wette wie d'r allemaol met gaon!! Stökkum, 7 November 2017 Herinnering!! Beste 67 Kölle gangers uut Stökkum en naoste umgèving!!! De streukskes en mailtjes, de monete via bank of in ’n enveloppe zun weer binne, de kaartjes veur de trein zun gehaald en de Toeringkar is besteld..alles steet weer gereed um d’r a.s. Zaoterdag de 11e van de 11e ’n prachtige dag van te make in ’t grootste carnavalsmekka van Europa: Kölle!!! Zoas gebruukeluk hierbi-j ook weer de herinnering met de letste feite veur dawwe vertrekke!! Wi-j verzamele smarges punklig um 6.30.u. bi-j de kerk in Stökkum en vertrekke daor met de grote toeringkar van Gademan naor de Bahnhof in Emmerik. Zörreg da-j op tied bi-j de kerk staot want net as in de Toer de Frans wachtte wi-j op niemand!! De volgende lu-j verzamele in Stökkum, punklig um 6.25.u. bi-j de kerk: Bart Berendsen, Ruud Berendsen, Jeroen Bod, Maarten Bod, Roy Cornielje, Angelika Derksen, Pieter Derksen, Monique Derksen, Remi Derksen, Martijn vd Dorpel, Koen Freriks, Gijs van Haren, Anne Hendriksen, Niels Huntink, Berry Janssen, Heiny Janssen, Ilse Janssen, Jelle Janssen, Sjoerd Janssen, Albert Kuster, Alex Kuster, Vivian Kuster, Jan Menting, Patrick Menting, Jessica Meuleman, Edwin te Pas, Jan Reessink, Niels Reessink, Lion Risj, Ger-Jan Ruitenbeek, Nardy Schmitz, Harm Snijders, Bryan Stinissen, Niko van Uhm, Kevin Verheij, Ron Verheij, Roy Verheij, Prins Sander I, Marcel Verstegen, Kevin Verwaaijen, Martijn Wissink, Ronald Wijnands en Arjan Zweers. In ‘s-Heerenbarg staon um 6.30.u. bi-j Grenscafé De Peer:: Loek Arendsen, Ted Berendsen, Bart-Jan Breukink, Steven Giessen, Theo Huntink, Dirk Keurentjes, Frank Neijenhuis, Koen Römer, Dominique Schreuder, Marco Verkammen, Tjeerd Weigaard en Arjan Wissing. Op de Bahnhof begroette wi-j Joyce Kuster met 2 vriendinne, Geert Derksen en de 8 Bultedarpers: Jan, Arthur, Lisa, Sabine, Debbie, Falco, Esther en Renate uut Gaanderen.. Mocht boavestaonde volges ollie niet kloppe (bu‘k bi-jveurbeeld iemand vergeate, wi-j op ’n andere plaats instappe of gao-j op 'n andere manier naor Emmerik as aangegeave), bel, sms of app Roy dan efkes: 06-12163903 !! Iedereen zörg d’r veur datte rond 7.01.u. bi-j Gleis 2 op de Bahnhof in Emmerik klaorsteet!! De trein vetrik um 7:08.u. vanaf de Hauptbahnhof in Emmerik!! We zulle in Wesel um 7.39.u. umsteige van Gleis 3 naor Gleis 4 waor de zoeg dan weer um 8.11.u. vertrik. Uuteindeluk zuwwe um ongeveer 9.28.u. aankomme in Kölle!! Aanvang van ‘t programma op de Heu-jmarkt is um 9.00.u. en afgeteld wöd d’r um 11.11.u. ‘t Thuusfront kan ollie laif vollege op de Tillevisie via WDR vanaf 10.30.u. (tot 16.00.u.) ’s-Aoves verzamele wi-j ons direk bi-j Gleis 4. De juuste Gleis van vertrek ku-j ’t beste nog effe sjekke op ’t grote bred in de hal bi-j de Haupteingang. Veur de ni-jkommers: De Bahnhof is neave de Dom en dat is dat iets groter uutgevalle Mariakapelleke met die twee tores!! As alles goed is vertrik dan poenklich um 18.49.u. (Deutse Gründlichkeit!!) de zoeg richting Hamm (Regional Express RE10135). In Duisburg stappe we dan uut um 19.36.u. op Gleis 12 en pakke dan op Gleis 10 um 19.44.u. de trein naor Emmerik en komme we daor rond 20.44.u. aan. Daor steet de grote Toeringkar dan al weer startklaor um ons in ‘s-Heerenbarg en Stökkum af te zette op de bekende plaatse en de carnavaliste uut Gaanderen wodde daor deur hun eige Taxi’s weer opgepik, terwijl Geert Derksen zien Fahrrad weer uut de stalling hilt um oaver de diek trug te fietse naor Lobith. PROGRAMMA OP DE HEUMARKT: 08:56 Begrüßung 08:59 Josephine Ohly 09:10 Domhätzjer 09:20 Kölschkracher 09:30 Stadtrebellen 09:40 BulleWuh 09:54 Palaver 10:08 Kolibris 10:23 Mottofilm 10:30 Begrüßung durch Ralf Schlegelmilch 10:32 Altreucher + Thomas Cüpper 10:47 Bernd Stelter 11:00 Begrüßung und Countdown Oberbürgermeisterin Henriette Reker Präsident des Festkomitees Kölner Karneval Christoph Kuckelkorn Ostermann Präsident Ralf Schlegelmilch 11:13 Kölschraum 11:24 Marita Köllner 11:37 Begrüßung des FK und Dreigestirn 11:52 Paveier 12:17 Cat Ballou 12:32 Räuber 12:57 Domstürmer 13:12 Klüngelköpp 13:31 Brings 13:56 Kuhl un de Gäng 14:11 Funky Marys 14:22 Miljö 14:33 Kasalla 14:53 MBB 15:08 Querbeat 15:23 Höhner 15:49 Norbert Conrads and Friends 16:02 Boore 16:16 Colör 16:30 Blömcher 16:44 Köbesse 17:11 Pläsier 17:25 3 Colonias 17:39 Fiasko 17:53 Die Flöckchen 18:15 For Example 20:00 Ende der Veranstaltung Bitte nutzt den öffentlichen Nahverkehr! Bitte keine beweglichen Gegenstände wie Bollerwagen, Stehhocker, Rucksäcke, Taschen o.ä. mitbringen! Auf der gesamten Veranstaltungsfläche herrscht absolutes Glasverbot! Vielen Dank! Hierbi-j wens ik iedereen alvas weer ’n ganz gemütliche dag toe!! Groette, Reiseführer Roy

Ook dit jaor is net veur Stökkumse kermis de uutnödiging veur de 11e van de 11e d'r weer uutgegaon. Wie nog met wil of 't effe vergeate was; Opgeave kan nog tot a.s. Woensdag 25-10-2017 !! Stökkum, net veur de kermis 2017 Uutnödiging aan: _________________________________ Op Zaoterdag 11 November vindt weer ’t jaorlukse culturele uutstapje aan de Hoofdstad van de Carnaval: Kölle plaats. Veur Prins Sander I en zien adjudante zal ’t bezuuk aan Kölle één van de letste kunstjes bun as Prins van De Leertrekkers en dat ze met naor Kölle gaon is natuurluk Uut de Kunst!! Net as de Prins is ook de DB, de Deutsche Bundesbahn, kunstzinnig bezig geweas: Ze hebbe ’t veur ons ozo vertrouwde Reisschema op de schop genomme en dat hult in dat ’t veur ons wat meer kunst en vliegwark vergt um in Kölle te komme en ’s-Aoves ook weer op huus aan te komme! Maor dit hölt ons uuteraard niet tege um weer massaal af te reize naor één van de mooiste carnavalsfeeste van ’t jaor!! Wi-j d’r dit jaor óók weer bi-j zun, léés dan dit briefke goed deur en gééf ow op bi-j Reiseführer Roy veur 25 Oktober a.s!! De jaorlukse volksverhuuzing zal zich op de 11e van de 11e vanaf 6.33.u. in gang zette awwe ‘smargesvroeg met de Toeringkar vertrekke vanaf de Stökkumse Dom aan de Past. Van Sonsbeeckstraot. Onderweg pikke we net veurdawwe de geût oavergaon bi-j Café De Peer ’n aantal ’s-Heerenbargse carnavaliste op! (Wie van dizze Toeringkar gebruuk wil make, dient dit wel duudeluk aan te geave op ’t streukske aan ’t end van dit verhaal. Let wel: Vol = Vol. Dat betekent dat as de Toeringkar volgeboek is, da-j dan eiges veur vervoer naor de Bahnhof in Emmerik mot zörge!! De koste veur dizze Toeringkar sörvis diene ter plekke bi-j Roy nog efkes appat afgereakend te wodde!!) Wie gin gebruuk mik van dizze Toeringkar, zörreg d’r veur datte op tied op de Bahnhof in Emmerik is, as daor poenklich um 7.08.u. de Zoeg vanaf Gleis 2 richting Kölle vertrik! Deur ’t boavegenuumde kunstje van de Deutsche Bundesbahn motte we onderweg wel één keer oaverstappe. Dat zal op de hénweg in Wesel zun en op de trugweg in Duisburg. Rond 9.33.u. zuwwe in Kölle aankomme op de Hauptbahnhof neave ’t grootste Mariakapelleke van de wereld: De Kölsche Dom!! Van daor uut spazziere wi-j in één lange polonaise naor de Heuimarkt, waor we ons weer nestele in de buurt van de theek aan de vaste bierkraom en in de walm van de braotwoste-kraom halverweage ’t plein, niet wiet van de super-de-luxe WC-geleageheit!! De Heumarkt zal beslis weer ’n bomvolle, kleurrijke en gezellig deinende massa zun met op en top canavaliste uut Kölle, de res van Duitsland, België en Nederland. Um ongeveer 18.33.u. zal ’t programma daor afgelope zun en zulle de kroege en pleintjes in de Altstad inmiddels volgelaaie zun, net as menig carnavalist rond die tied! Um niet met ’n rammelende maag en werkloze slokdarm de zoeg naor Emmerik weer in te stappe ku-j ow op de weg naor de Bahnhof nog snel wat te bikke metnemme! Um haargenau 18.49.u. vertrik daor vanaf Gleis 4 de Regional Express RE 10135 weer richting Hamm. In Duisburg stappe we dan uut op Gleis 12 (um 19.36.u.) en pakke dan op Gleis 3 um 19.44.u. de trein naor Emmerik. Wi-j zulle dan um 20.44.u. aankomme in Emmerik, waor de Toeringkar dan al weer steet te dampe um ons trug te brenge naor ’s-Heerenbarg en Stökkum en waor we afscheid nemme van de delegaatsies uut de andere plaatse. Wie gin loes het um 18.49.u. al naor huus te gaon, of wie de Hauptbahnhof niet eins-zwei-drei trug kan vinde, kan op eige geleageheid ’n latere trein naor huus pakke!! Wat is handig um met te nemme???? • Ontiegeluk goeje zin!!!! • Schnapps, ’n tönneke bier en/of kéés en wos veur in de zoeg!! • Genog €uro’s en/of pinpas!! • ’N Niet te dure reagejas of Plu (Hoapeluk niet nödg!! • ’N Boerekiel of ander opvallend carnavalspekske zoda-j makkeluk te herkenne bun!! A-j now óók zo’n alderbastende zin heb gekrege um met ons met te gaon, gééf ow dan op veur Woensdag 25 Oktober 2017 bi-j reiseführer Roy (Tillefoon 06-12 16 39 03.) Opgeave kan alleen dmv ’t inlevere van bi-jgaond streukske en direkte betaling van € 25,- p.p. of deur ’n mailtje te sture naor: Roy.verheij@gmail.com en ’t geld oaver te make naor reakeningnummer: NL43 RABO 03266.18.457 Rabobank – ’s-Heerenbarg. NIET BETAALD = NIET METGAON!! Mit ein Dreifaches Kölle Alaaf!! Roy Hier afknippe, afscheure of afbiete…