Freshly home-made gourmet lunches: tasty sandwiches, yummy soups, savory dishes, sweet desserts. Guddelicious – Tasty Luxembourg ass eng Gesellschaft mat Sëtz zu Biereng / Miersch. Mir produzéieren héichwäerteg Liewensmëttel aus lokalen a regionale Produkter. Geméis aus eegenem Ubau, Poulet vun der "Lëtzebuerger Poulet Sarl", eegent Fleesch an awer och Fleesch "Produit du terroir", etc... Eist Ziel ass et en Maximum un regionale Produkter ze kafen a soumat an eisen eegene Menüen ze verschaffen. Dëst erlaabt eis déi Lëtzebuerger Produzenten ze ënnerstëtzen.

Eis Gamm fënnt een op verschiddene Platzen, wéi och an eisem Foodtruck mat deem mir all Woch op eisem Tour am Asaatz sen. Vun engem klenge Snack bis hin zu engem Mëttegiesse bidde mir do alles un frësche mee och häerzhafte Menüen un, sou dass vir all Goût eppes dobäi ass. Eis Kaart gëtt regelméisseg aktualiséiert vir ëmmer kënne Produkter unzebidden, déi och grad an der Saison sen. Nierwend eiser aktueller Kaart vun der Tour bidde mer selbstverständlech och nach vill aner Saachen un a probéieren dat richtegt vir eis Clienten ze fannen an zesummen ze stellen!