Kurs për Dizajn Grafik / Design Graphic Courses ÇKA OFROJMË NE?

Shkollimi specifik për dizajn dhe multimedia, që ne ju ofrojmë, ju parapërgatit që të jeni sa më kreativë gjatë përdorimit të programeve softuerike për grafikë. Gjatë ndjekjes së kursit ju do të njiheni me parimet e dizajnit, si dhe me pjesën tjetër të materialit multimedial. Programi ynë përfshin fushat e dizajnit grafik, të komunikimit vizual, të multimedias, interaktive dhe parimet dinamike vizuale të prodhimit. Ju do të aftësoheni nëpërmjet metodave të avancuara dhe teknikave e imazheve digjitale, si zë, video e ilustrime teknike, animim dhe kompozim të përmbajtjes interaktive multimediale të realizoni produkte përkatëse.


DIZAJNI DHE SHTYPI

Në këtë program do të mësoni gjithçka për dizajnin e ambalazhit, për dizajnin e materialeve të shtypura e promovuese, si logo, posterë, billbordë, pajisje të ndryshme reklamuese, aplikacionin e dizajnit të tekstilit, parapërgatitjen për shtyp, faqosjen, dizajnin e identitetit të korporatave, broshura dhe përgatitjen grafike të librit, të gazetave e të revistave të shtypura e digjitale.
Programi ynë ju ofron aftësimin bazik në programet Adobe Photoshop, Adobe InDesign, Adobe Ilustrator, CorelDraw, QuarkXPress dhe programe të tjera grafike të popullarizuara.

VIDEO DHE PRODUKSIONI

Sipas programit të kursit, ju do të aftësoheni me metodat më moderne të redaktimit të videos përmes montazhit, postprodhimit dhe reklamave televizive.
Ju do të jeni të aftë të krijoni efekte speciale të animacionit dhe të videos. Përveç këtyre aftësive, ju gjithashtu do të praktikoni edhe punën në programin e zërimit. Të gjitha këto do t'i punoni me programet softuerike Adobe Premier, Adobe After Effects, në programin e përpunimit të zërit Cool Edit Pro etj.

KOHËZGJATJA, CERTIFIKATA DHE REFERENCA E PUNËS

Aftësimi për dizajnin grafik ka disa nivele. Së paku, 4 muaj i nevojiten një kursisti që t’i përvetësojë njohuritë kryesore për përdorimin e softuerit grafik. Andaj çdo katër muaj kursisti do të gradohet me nga një nivel që i ndihmon për praktikë dhe pas saj për punësim. Secili prej kursistëve që ndjek kursin deri 12 muaj pajiset me referencë për praktikë te kompanitë vendore dhe ndërkombëtare.

LOKACIONI DHE ORARI

Jemi me zyrë afër objektit të AAK-së në Prishtinë. Kursi zhvillohet dy orë në javë zakonisht të marteve, mërkureve, të enjteve dhe të premten në Prishtinë ndërsa të shtunën në Ferizaj (afër NLB Bankes ne rr. e Gjilanit). Pas kursit gjithmonë kursisti është i obliguar të kryej detyrat e shtëpisë në mënyrë që të mos ketë shkëputje nga programi që e mëson. Orarin e kursit zakonisht e fillojmë nga ora 15 por në bashkëpunim me ju e caktojmë saktësisht ditën dhe orën duke shikuar terminet e lira për ju. Puna në kurs zhvillohet me më së shumti dy kursistë sepse bëhet aftësim individual me përkushtim. Një program për ta mësuar anën bazike zgjatë tre muaj dhe certifikoheni por në rast se ndiqni kursin deri 12 muaj atëherë përveç certifikimit do t’ju referojmë te kompanitë për praktikë dhe punësim!