上星期上門換RGB機箱，整緊時問佢點解想換，個客話顯卡打機時好熱，公版緊係熱啦，點解要推個責任機箱呢？其實鍾意RGB想靚仔D唔係罪，唔好怪機箱啦，就好似分手都要老實D，話性格唔夾？不如直接話愛上左個靚仔/女😆😆 點評：GTX1070 打機不需用X99，inwin ROG最好玩自組水冷，AIO唔friendly，如果一開始砌水冷要用埋RGB先match。 #舊機箱好hurt

[限時推廣] Yo, 又係RGB時間, 原本上3個星期已經要出貨既Thermaltake P5由代理話冇貨, 到話機箱零件唔齊, 到話P5裝唔到All-in-One水冷要加個架, 到話個架要加錢, 到話個架冇貨, 到話個架寄來時比海關扣起左... 一共經歷左2星期既折騰同自己都上左去拎左3次野, 好在最後經過 Basco Technology Limited 既老闆娘親自出手, 最終都完滿解決. 老闆娘仲決定因為今次事件比左個Promotion我地, 就係任何人在我地到砌機用 1. 任何Thermaltake機箱加 2. 任何Thermaltake既金牌RGB火牛 (有10年保養) 就會免費加送 3. Thermaltake RGB Riing機箱風扇一把 (風扇由 Basco Technology Limited 提供) 4. 而我地都會比D誠意平$100 (一舊水由 MECHCalvin Computer 麥加文電腦 提供) 等鍾意RGB既你可以RGB都天荒地老。所謂智者不惑，仁者不憂，勇者不懼，咁煩既野當然由我地去解決，由頭到尾個客都只係好有耐性咁等收機。作為智者/仁者/勇者既你搵我地砌機當然可以不惑/不憂/不懼。不過只限11月, 剛好想砌RGB既智者要快手啦。😎😎😎 #夜晚記住帶太陽眼鏡先好打機

表面佢係一架ATV (All-terrain vehicle, 唔係亞洲電視), 實際上, 佢係一部電腦嚟 :)

搵苦黎辛系列：呢部機兩個星期前應該已經整好，個客好鍾意Thermaltake既掛牆系列，希望有$再裝自組水冷，所以指名要呢個Core P5機箱。我哋之前已經砌過P1，知道TT呢個系列指示有幾「清晰」，但今次都係中招。我哋太信TT網頁，代理又出左D錯，好彩最後都完成到，效果十分理想，而且客人十分滿意 😎😎 出年佢儲到$會上水，full story 後補，睇相先！ p.s. 玻璃冇得入返箱，成程車扶著，好Q攰 p.p.s. 砌左兩次Norman決定以後呢類機箱要加錢, 砌個機箱既心力=砌一部機.

日日新鮮日日甘系列：今日上門整機，就好似典型既美式動作電影，你收到order同你講呢個只係一個好普通既任務，搞點好快就可以返屋企，點知去到先知係史上最伏既mission。有個客前幾日send email講屋企有部HP廠機壞左，點關機都會自動重啟，仲有部砌機冇聲。我諗最多都係一個鐘既事，自動重啟在win 10十分普遍，關左fast boot就可以了，機冇聲應該係driver問題。預計１２點半到，１點半收工。 上到門原來係個好好人既阿伯，又係退休冇野做無聊睇到我地既youtube砌機片，一開門就見到佢用個４０寸電視睇緊砌機片（以後唔該唔好咁「歡迎」我，其實根據科學研究人係好驚聽到自己把聲同見到自己個樣），立即叫佢熄左之後就可以開工。 原來佢之前已經搵電腦店整過，又係叫佢換底板，因為香港既邏輯如果唔識整，最好既解決方法就係買新野，阿伯以前做開廠做老闆所以都好醒當然唔會中伏，跟住電腦店提出「第二好」既方法，就係重裝windows，阿伯最後都比左＄３５０重裝windows，當然問題冇解決到，於是搵我地。 根據經驗，我關左fast boot以為完成，點知仲有事，我知可能係硬件問題，一打開個箱，驚見廠機竟然有水冷（ＨＰ水冷）！真係笑左出來，點知呢個都可以叫日日新鮮，之後就甘。 我已經兩手準備，帶左後備火牛試，點知都係一樣，之後唔插SSD，冇windows都會重啟，reset BIOS冇用，我開始感到頭痕，同有Ｄ挑戰性。我又用排除法逐樣試，水冷，RAM，SSD，發現唔插RAM係冇問題，只要一boot起左就唔得。但係RAM test又pass，我真係準備投降，講笑，未試過投降。我諗有Ｄ咩會另電腦重啟，突然我諗起以前大學圖書館會用lan線叫醒D電腦，我諗係咪個network問題（雖然個人電腦就係未試過），我入bios關左個boot by network，果然冇事！雖然已經２點，但起碼搞點，點知我一入返windows，問題又出現，於是我嬲到想拆左條lan線，一睇先發現係冇lan線，部機係用HP Wifi，而張wifi card係用mini m.2插入底板。最後我好絕咁拆左張mini m.2 wifi card，就完全解決左個問題。但係就算到左而家，我都唔明mini m.2 card同電腦重啟有咩關係。 Anyway，２點幾先開始整第２部，冇聲應該係driver問題係冇錯，但係邊個估到第二部機仲係用緊Windows XP… 詳情唔講，大概部機裝左兩個windows，裝晒大陸「防毒」，windows installer都啟動唔到，仲有另外一個部（佢屋企有４部電腦）要set埋printer同D零星野，最後整到4點半。 阿伯好人呀，又請我食野飲野，仲話對我好有信心，我話我對自己都好有信心呀，點知比錢時先發現唔夠散紙差兩舊水，哈哈。佢話下次搵我整埋第４部機比埋，好，信你，因為我對我地Ｄ客都好有信心 😎😎 p.s. 聽阿伯講後來佢發現D電腦店會話你塊底板壞左，如果你換左佢會問你拎塊舊板，如果你唔比佢會嚐試用平價同你買，大部份人覺得冇用就會比佢，其實係冇壞架！轉一轉手就放左入第二部機到當新底板賣，算唔算win-win？😏😏

好耐都冇客上門自己砌，所以一砌就要砌部好既。Ryzen 1700X，960 Evo 加舊卡GTX1060, 之後再upgrade GTX1080ti. 原本揀既Fractal Design Define C 冇貨，改用白色Corsair 400C，小型ATX機箱，一樣咁fit (可能fit得濟tim)，不過我見人SLI照用。

一名稱為Mathy Vanhoef的網絡電腦保安人員找到無線應用協議的弱點, 基本上所有現時最常用的WPA2, 不論以任何形式既加密 (AES, WPA-TKIP, AES-CCMP, and GCMP) 都無法阻塞呢個漏洞. 這個攻擊被稱為key reinstallation attacks (KRACK), 利用WPA2 4-way handshake的漏洞, 哄騙用家手機或電腦重新安裝已經在使用的密鑰, 其間可截取通過wifi傳送的資料. 因為這是protocol level的漏洞, 更改密碼是沒有用. Android 6.0以上的手機 (大概41%左右)及所有用WPA2連接wifi裝置 (laptop, macbook) 都一定會受影響. 而家冇野可以做去阻止, 唯一可以做既就是download router更新 (如有), 用街外wifi 就冇得搞 (真實世界應該唔會係watchdog咁周街都係hacker), 不過一公佈左係hacker既都應該會知點做 :) 去片: https://youtu.be/Oh4WURZoR98

[公告] 一年好快又過, 麥加文聖誕準備又「升級」(即係用人地升級既2手野), 上年「升級」既電腦又會平放比觀眾 (i7-4790k + GTX1070, 不散放), 而且呢兩個月會完成本來暑期已經想搞既LOL計劃, 就係改裝公司客免費回收既2手機比學生玩LOL (價錢在$1000-2000內, 已包正版Windows 7/10), 而家可能會加埋學生版office 365用來做功課, 每組5部機, 每部一年只需$100左右, 但需要每年續約. #打LOL係我唯一要求 #不過如果有埋office老豆會易話為D

想當年麥加文接觸既第一部電腦就係80286, 覺得真係神奇啊！而第一部擁有既電腦就係80486，打機只可以玩貪食蛇，但當時細細個在DOS打指令都已經覺得好好玩。你比而家五花八門既晶片，底板設計弄得暈頭轉向嗎？快去睇返原始高達... 唔係，係原始晶片吧！電腦發展就好似長篇連續劇，中間先開始睇緊係唔知劇情講咩 :)

Aigo Crystal Case: 5月收件, 9月拍攝, 10月出片, 數已找. 之後會拍下D vBlog :) 產品官網: http://www.aigodiy.com/posts/yueguangbaoheyao/

有個friend做野間診所換server, 送左部企業級server比我地，其實冇壞，只係自動備份有問題(軟件設定)。但老細洗錢絕不手軟，整都覺得煩，十多萬換新server當係碎銀。我哋真係好彩，送機連Windows SBS序號，未知用來做咩好。用來做Minecraft Server, 有時間拍下vBlog 點set server (如有時間)，定整virtual machine好？

4000蚊可以砌到咩機? 可以組到最新既文書機. 但如果想Lag lag地咁打機，預算就要提高到一萬 😈😈😈