好gig 一浪接一浪, 明晚係澤銘sir同kitson sir jazz duo, 明晚經過九龍城的朋友,不妨過黎聽下

前幾日參加左一個秘密party 係bosco sir既爸爸生日會 當晚有好多超強musicans 見識到曾經幫羅文彈session 既樂手既實力 真是令人嘆為觀止, 彈了40年的功力,真的不是說笑

每一次表演都好難忘 同時我亦不想忘記

Superstars of Soft Rock Carpenters - Close To You 💃🏻🕺🏿樂團簡介:70年代出道的兄妹組合，相信大家都曾聽過他們的傑作，其實成名之路並不平坦，他們先後跟“魔幻燈”唱片公司和RCA簽約，但都不長久。😲 他們決定自己組成二人樂團，Richard負責鋼琴演奏🎹，Karen負責打鼓🥁,並成功吸引A&M唱片公司跟他們簽約。🤙🏻 Carpenters 出了兩首歌，包括 (They Long to be)Close to You 和 We've Only Just Begun 都膾炙人口。😍😍😍 這兩首歌都收錄在此專輯《Close to You》，成為了Carpenters最暢銷，還替他們贏得兩座葛萊美大獎🎊，其中包括「最佳新人」獎 👏👏🏻👏🏻 雖然Carpenters獲得全世界歌迷的愛戴，可是相對的，各方而來的壓力便接踵而來到他們的身上🤦🏻‍♀🤦🏻‍♂。Karen長年受到厭食症的影響，對於自己的體重相當的敏感。😭 1983年2月4日，32歲的Karen，被發現倒臥在唐尼的父母親家中，沒有心跳後送至唐尼社區醫院，20分鐘後宣告死亡。💔 童年時母親最常播的一首歌Close to You,令我對音樂的喜愛萌發，對我極其重要。🌱🌺 Setlist: 1⃣🎧We've Only Just Begun https://youtu.be/5uYzQQug2-o 2⃣Love Is Surrender https://youtu.be/luLUaXBcWj0 3⃣Maybe It's You 5⃣HELP! https://youtu.be/LeyNZaIdfi0 原唱為The Beatles🚶🏻🚶🏻🚶🏻🚶🏻,出現在同名專輯中的HELP! 6⃣(They Long to Be) Close to You❤ https://youtu.be/tT86AoSGEL8 我的感想：推動香港的音樂，我應該要如何才能做得更好？💪🏻

閒日既上午 有幸擔當錄音師 為前輩樂隊alien既31周年大碟錄音 今天學到很多 其中學到一首叫hot legs既歌 正啊

可親臨奧菲斯音樂中心索取門票（免費）

見到既朋友不妨拍個照

I will be back! Wesley 仔返來啦 上次一別,就差不多3年了 之前學鼓同ukulele既時候是幼稚園 而家已經小學啦！ 不過都咁百厭,叻仔 記得唔好打架呀

Radiohead ok computer 搖滾樂可算是每位結他手必練的style,當然我亦不例外 中六的時候, 跟了sunny學電結他,學了 the wall, smoke on the water, sunshine o your love,golden of heart,whiter shape of pale, let it be等.... 剛開始接觸搖滾樂的我,坦白說,不是太接受.由曲風,歌詞,題材,mixing都和我聽開的港式流行歌不同. 當時我接受老師的建議,一張碟聽多幾十次,和搵多d唔同類型搖滾聽,慢慢我都感受到搖滾的樂趣 Ok computer係我聽radiohead的第一張碟,自從聽完呢張碟之後,我差不多追晒所有radiohead既ablum 歌曲推介 2. Paranoid Android 妄想症的機械人, 中學時完全不懂呢2個英文,哈哈 音樂一起,3支結他在不同位置彈d好型既groove同chord,唱歌相當搶耳, 就好像比音樂帶住走,那裡是chorus不重要 中段重要mix到音樂大過人聲, guitar solo是亂彈一般,第一次聽令我有?????的感覺 聽著聽著,就完全進入了radiohead的世界 6. Karma police 一首pop味重的歌,我卻好喜歡 7. Fitter happier Haha! 與其說是一首歌,不如說是讀白, 歌詞係不煙,不酒,見朋友...好鬼過癮 10 no Surprise 一首好甜的歌,亦係第一首我彈佢地的歌 12 The Tourist 我喜歡6拍8的歌,這首作為呢張專輯的最後一首歌,令我每次都有意猶未盡的感覺 筆者近況 這陣子公司董事層有新衝擊,是一個新機會,同時亦展現了公司固有的一些問題 回想起10年前我一個念頭,嚐盡苦頭,來到今天,人事變遷,到底這個地方會發展成什麼樣子呢？

萬衆期待! 12月2就係奧菲斯鼓show啦！ 繼上一次音樂演奏會後，我們的第一屆爵士鼓演奏會即將來臨. 分為初級組（5-12歲）及高級組（13歲或以上）， 表演者需獨自在台上展示學習成果， 雖然要一個人承受壓力，但我相信我們的學生比起承受反而會更享受，因為每一位都熱衷於音樂，所以才會接受挑戰。 而你們的支持才是給予他們信心的最大來源， 即11月11日至12月1日，可以致電25533529預約，親身來本中心領取門票（一人最多3張）， 費用全免，你們的行動支持，能令更多小朋友及青年人獲益，我們先能夠繼續舉辦不同表演活動，服務更多群眾。

PS:以下落黎唔係講緊電影，係樂隊 唱片推介:Whitesnake 樂團簡介:Whitesnake是從1978年成立的搖滾天團，由前Deep Purple 主唱David Coverdale所成立的，呢隊天團的人手掉動都好密，因為佢地的私人理由或者個人的音樂發展都有關。佢地一開始的時候係玩blues rock先，多數佢地包括愛情的主題，一開始的組合有係UFO,Coxy powell等樂團留過的Bernie Marsden，Micky Moody，Neil Murray同Deep Purple的Ian Paice。佢地一開始係成功，因為第一張唱片－Snakebite就成功地有一個機會係英國成名，同埋證明左新派英國重金屬可以有最hit的歌。自此之後，佢地有好多成名的作品。例如：here i go again，fool for your lovin同don't break my heart again等等。之後去到80年代中期，Whitesnake的音樂風格已經有一點改變，變左做硬式搖滾或華麗金屬，因為係80年代係好輕聽重金屬音樂，同埋佢地衣著比較狂野，髮型係輕長反梳頭髮，會染髮的，類似我地以前係周星馳的電影丐幫個d髮型或者似以前音樂家的髮型，打扮到成個女人。講反正題，因為一張唱片就係－Whitesnake,就從此被人重新定義佢地係華麗金屬的樂團。 鍾意聽重金屬的朋友，都有一定聽過Whitesnake呢個名，由其是係Still of the night，here i go again等等，都會即時知道呢幾時佢地人人都識的歌，記得第一次接觸呢隊band時候，我係聽緊steve vai 的for love of god就click 到whitesnake的video就見到呢隊band，初期接觸，我以為佢地一班model所組成的band,因為見到佢地的裝扮，台上的表演。但聽佢地的時候，完全係神級的樂隊，第一，個主唱唱歌好勁，vocal可以去到咁高音，同埋可以抒情歌都唱得咁好，抵呢隊band成名。第二，雖然佢地的歌大部分都係愛情同溝女有關，但佢地都可以做到好有power，同埋歌詞與音樂夾得好。重，快，慢同輕好做得好好。最後，我認為有三位Whitesnake的結他手係我的idol就係bernie marsden,john sykes同doug Aldrich,因為bernie marsden係fool for your loving 呢首歌加入左好多blues 的彈法同好多情感落呢首歌，佢亦都係令到學彈blues同作blues歌的一位人物。而John sykes同Doug Aldrich雖然彈blues都好聽，但我鍾意佢地彈快的歌同solo，佢地ga 快係流暢同有melodic的感覺，唔係亂咁彈。所以我聽whitesnake就係因為佢地，好多謝佢地。 歌曲分享: 1. Still of the night 呢首一定要聽，佢的編曲係好 到極點，初頭黎d重同野性的 音樂，跟住去到中段係好抒情 跟住再變反重同野性，相當好 的歌。 2. bad boys (唔係張惠妹果首bad boy) 非常野性的歌，描述緊80年代的人，勁wild 3. Give me all your love 編曲有硬搖滾中，帶blues ga 味道，岩唒溝女唱。 4. Crying in the rain 呢首歌係saints & sinners裏面一首歌，雖然呢首cover上第五張唱片的歌，但編曲又係勁，blues得黎有重感覺，solo都勁。最勁係個vocal唱到最後果段同埋結束果段的高音好鬼高，好神 5. Is the love? 非常好聽的歌，岩鍾意情歌的朋友 6. Children of the night 典型派對型重金屬歌，非常wild 同heavy的歌曲，岩鍾意metal的朋友，同埋岩係party唱 7. Here i go again 呢首歌係我最鍾意的一首歌之一，在聽緊的時候，我會彈埋同會一起唱。呢首歌的歌詞令到我自己知道自己的目標成為一個職業結他手，要創作自己的歌。編曲非常之好，solo都ok。一定要聽的歌。 筆者近況： 就黎開學，學緊結他，希望能夠在結他更上一層樓，同聽多d唔同的音樂同寫多d自己鍾意同唔同風格的歌。 筆名:李耀生

恭喜🎉一對新人🎉, 一定要幸福啊!💖 籌備婚禮活動實在令人苦惱 始終一生人一次, 是一件重大事情 想獨一無二, 又要浪漫感動, 仲要有msg 帶出, 怎麼辦!? 放心放心~奧菲斯音樂中心MV 製作, 為你帶來前所未有驚喜! 練唱歌,錄唱歌, 拍MV ,一站式為你度身訂做! 價錢合理, 質素好, 有興趣pm 我地問啦! 求婚, 紀念日, 周年紀念都可以聯絡我地製作MV 架!