ஆண்டவராகிய இயேசு கிறிஸ்து சிலுவையில் "இது முடிந்தது" என்று சொல்லி தலையைச் சாய்த்து ஆவியை ஒப்புக்கொடுத்தவுடன் {யோவான் 19:30} பரமபிதா "அது போதும்" என்று சொல்லி தேவாலயத்தின் திரைச்சீலையை மேல்தொடங்கிக் கீழ்வரைக்கும் கிழித்து {மத்.27;51} இனிமேல் எந்த மனுஷனும் இயேசு கிறிஸ்து மூலமாய் அவரைப் பற்றும் விசுவாசத்தால் தன்னிடத்தில் துணிவாக வரமுடியும் எனறு பிரகடனப்படுத்தினார் {எபேசி. 3:12}.

பழைய ஏற்பாட்டில் சொல்லப்பட்ட யேகோவாவே புதிய ஏற்பாட்டில் சொல்லப்பட்ட இயேசு கிறிஸ்துவாகும். இந்த அறிவு இல்லாததன் நிமித்தம் இஸ்ரவேலியர்கள் இடறலடைந்து அவரை விசுவாசியாமல் போனார்கள். அதே இடறல் உலகமெங்கும் கொள்ளைநோய்போல் இன்றும் தொடர்கிறது {யோவான் 12:37-50}.

கிறிஸ்துவின் சிலுவையிலேயே ஆண்டவராகிய இயேசு கிறிஸ்துவை மனுஷன் சந்திக்க முடியும். வேறு எந்த இடத்திலும் கிறிஸ்துவை சந்திக்க அவன் முயற்சி செய்தால் அவன் மரணத்தை சந்திக்கவேண்டியது தவிர்க்கமுடியாது. அவரை வேறொரு இடத்தில் சந்திக்க முயற்சிசெய்த அபியூவும் நாதாபும் அக்கினியினாலும் {லேவி.10:2} கோராகும் தாத்தானும் அபிராமும் உயிரோடே பாதாளத்துக்குள்ளும் {எண்.16} தள்ளப்பட்டு மரணத்தை சந்திக்கவேண்டியதாயிற்று.

தவறான உபதேசத்தை ஏற்றுக்கொண்டால் அசுத்த ஆவிகள் நமக்குள் உட்புகுவதற்குப் பாதைகளை நாமே ஏற்படுத்திக் கொடுக்கிறோம் {1.யோவான் 4:1}. அதுமட்டுமல்ல, புளிப்பும் உட்புகுந்து சகலத்தையும் தாறுமாறாக்கும் {கலா.5:9, மாற்கு 8:15-17}. முடிவில், சத்தியம் நிராகரிக்கப்பட்டு அதற்கு எதிராகக் கலகஞ்செய்து அழிவு உறுதிசெய்யப்படும் {11.தெசலோ. 2:11-12, மத்.7:22-23}.

சிலுவை, மனுஷனுக்கு 2000 வருடங்களுக்கு முன்பு சம்பவித்தது. ஆனால் தேவனுக்கு சிலுவை உலகத்தோற்றத்திற்கு முன்பு சம்பவித்தது {1பேதுரு 1:18-20}. சிலுவையிலேயே மனுஷனுக்கு விடுதலை என்பது அவன் விழுந்தவுடன் அவனுக்கு அறிவிக்கப்பட்டது {ஆதி. 3:15}.

நீ எங்கே இருக்கிறாய்? {ஆதி.3:8}, நீ இப்படிச் செய்தது என்ன? {ஆதி.3:13} என்ற இரு கேள்விகளுக்குள் மனுஷ குலத்தின் சகல பிரச்னைகளும் உள்ளடங்கியிருக்கிறது.

Romans 7 - Episode 38

Pastor's video choice for the beginning of October 2016. நியாயப்பிரமாணம் https://vimeo.com/156692891

தேவனுடைய வார்த்தை நிராகரிக்கப்பட்டால் இறுதியில் கிறிஸ்துவும் தன்னை மறைத்துக்கொள்ளுவார் {யோவான் 12 : 36-37}. இந்த நடவடிக்கையின் மூலம் நீதி 1:24-30 நிறைவேறுகிறது.

தகவல்களைவிட ஆண்டவருடைய வார்த்தைகளை நினைவுகூருதல் மிகவும் முக்கியமானதல்லவோ? {லூக்கா 24 :7-9}.

கிறிஸ்துவின் சிலுவையின் நிமித்தமே மகா பரிபூரணமான பரிசுத்த ஆவியானவர் பரிபூரணமற்ற பாத்திரமாகிய விசுவாசியில் வாசஞ்செய்கிறார். விசுவாசிக்கு வழிகாட்டி அவனை வழிநடத்தி, அவனுக்கு உதவிசெய்து அவனைக் கிறிஸ்துவின் சாயலில் உருமாற்றுவதே அவருடைய உயர்ந்த நோக்கமாகும்{ரோமர் 8:26-29, 11 கொரிந்.3:18}. இதனைச் செய்வதற்கு விசுவாசி கிறிஸ்துவுக்குள் அந்த விசுவாசத்தின் மூலம் {1கொரிந்.2:2} நிலைத்திருக்கவேண்டுமென்பதே தேவனுடைய எதிர்பார்ப்பாயிருக்கிறது {ரோமர் 8:2}.

விசுவாசிகளாகிய நமக்குச் சம்பவிக்கிற சகலதும் பரிசுத்த ஆவியானவரால் திட்டமிடப்பட்டு நம்முடைய விசுவாசத்தைச் சோதிப்பதற்காக அனுப்பப்படுகிறது {மத்.4:1}. நம்மில் வெகு சிலரே சோதனையில் சித்தியடைகிறோம். ஆயினும் அந்த விசுவாசத்தை விட்டு விலகாமலிருந்தால் இறுதியில் வெற்றி நம்முடையதே. சிலுவையில் அறையப்பட்ட இயேசு கிறிஸ்துவே அந்த விசுவாசமாகும் {1கொரி.2:2}. பேதுரு தோல்வியடைந்தான். ஆனால், அவன் கிறிஸ்துவைவிட்டு விலகவில்லை {லூக்கா.22:61-62}. யூதாஸ்காரியோத்தும் சோதனைக்கு உட்படுத்தப்பட்டான். அவனும் தோல்வியடைந்தான். ஆனால், அவன் கிறிஸ்துவை விட்டு விலகினானே {மத்.26:24, லூக்கா 22 : 2-4}.

இயேசுகிறிஸ்துவையும் அவர் சிலுவையில் நிறைவேற்றியதையும் விசுவாசித்து அந்த விசுவாசத்தில் நிலைத்திருந்தால் {I கொரிந்.2:2, யோவான் 15:4} அசுத்த ஆவிகள் நம்மை வேதனைப்படுத்தாமல், நாம் அசுத்த ஆவிகளை வேதனைப்படுத்தமுடியும் {மத்.8:29, மாற்கு 5:7, லூக்கா 8:28}.