Parat für dä Winter

Ciao zäme S isch sowit! De Tankstell-Wage isch ready für de Winter! Letscht Wuche hend mir en parat gmacht und mit em Traktor a sin Winterschlafplatz gfüehrt. Die erschte Abklärige und Planige für nöchscht Summer sind scho im volle Gang. Mir hoffed, dass alles klapped und d Tankstell frisch tankt im nöchschte Früehlig wider a sis Plätzli im Seegüetli chan zrugchere. Peace bald S Tankstelle Team (Merci Romeo für s schnide vom Film)

Timeline Photos

Ciao Zäme De eint oder ander het letscht Fritig 21. Oktober de Ziitigsartikel «Alte Pappeln stellen Risiko dar» ide Züriseeziitig (ZSZ) gläse und isch jetzt chli verwirt, will det imene Satz staht, dass euse Kiosk vo de Stadt Wädi finanziert worde isch. Das stimmt natürlich nöd. D‘Tankstell isch dur d Initiative vo eus drü vom Tankstelle Team entstande. Alles was in Kiosk investiert worde isch, händ mir us eusem eigete Sack zahlt. Zum das kläre hemmer d’ZSZ bätte es Korrigendum id Ziitig z’stelle. (Bild) Mer hoffed das mer hend chöne Klarheit schaffe:-) Peace balds'Tankstelleteam

Timeline Photos

Ciao zäme Mer wend eu no offiziell mitteile das d'Tankstell Saison 2016 mit em Sommer End Fescht vom 17. September verbii gange isch. Mir lueged zrugg uf en wunderschöne, lässige Summer mit hammer Wucheend, wo sich no bis in September zoge hend. Danke oi allne für d'Understützig! Ob und wie's wiitergaht mit de Tankstell isch im Moment no offe. Mer werded eu uf em laufende halte. Uf Jede fall hoffed mir für s'Seegüetli, dass es so en freie und offene Erholigsort blibt, wo neui und kreativi Idee entstah chönd. Peace bald

Photos from Tankstell Seegüetli's post

Hammer fetzige Abig gsi! Mir hend de letschti Abig vo dere Saison namal richtig gnosse mit oi! Viele Dank allne Helfer/inne und em Don D. Taco wie au em Dario Schenk fürs Uflegge. Danke au em OJ Sound System für die geile Boxe und ebefalls fürs Uflegge. Schöne Sunntigabig und peace bald;-)

Hey Ciao Zäme Vorbereitige laufed uf hochtuure demits morn nomal, es letschts mal!, so richtig heiss wirds a de Tankstell im Seegüetli! Für d Abchüelig vom Gmüet hemmer oisi Getränk iiskalt gstellt und sie sind parat, leertrunke z werde. Für allfälligi Chaltfronte hemmer zuesätzlich en Öpfel-Zimt Punsch mit oder ohni Schuss und Lüz als Ufwärmer im Aagebot. Im Verlauf vom Abig zieht vo Weste no es Priistüüf über d Tankstell, wo starchi uuswürkige uf d Priisliste het, allfälligig höchs sind aber nöd uszschlüsse. Aso nöd verpasse! Mir froied ois scho riesig eu abem 18:00 chöne z begrüesse, begleitet vo abwechsligsriiche Musig vom Don D. Taco, Dario Schenk und OJ Sound System. Peace morn

Seegüetli Summer End

Seegüetli Summer End

Photos from Tankstell Seegüetli's post

Mer wend nomal zruggluege uf das wahnsinns Weekend, drüü Täg perfekts Bade-, Chill, Grill- und Tankstellwetter :) S'Beschte, es gaht wiiter mit höche Temperature und Sunneschii... Drum froiemer eus jetzt scho uf eue Bsuech am Fritig im Seegüetli. Wie immer startemer abem 4ri ;) Peace Bald s'Tankstellteam http://www.tankstellseeguetli.ch/

Tankstell Seegüetli

Da sind eusi Öffnigsziite am Chilbiwuchenänd. Natürlich nur wenns Wätter hebet :) http://www.tankstellseeguetli.ch Fritig 19. August 16.00 - 24.00 Samstig 20. August 14.00 - 17.00 Sunntig 21. August 11.00 - 17.00 Mäntig 22. August geschlossen

Timeline Photos

Ciao Zäme Chömed verbi und gnüssed mit eus de 1. August direkt am Zürisee. Bi guetem Wetter werdemer vo 14.00 bis 24.00 offe ha;-)

Timeline Photos

hey ciao zeme Was für es hammer wucheend! Endli ma drü täg super grill-,chill- und badewetter zum gnüsse. Aber mit dem nöd gnueg! Nebed äm EM final vom sunntig, hemmer in wädi s glück, ois bi dem schöne wetter au vom hiesige arx-en-ciel openaire chöne musikalisch verwöhne lah. Drum werdemer morn am samstig au bereits am 5i schlüsse und uf die ersti und sehr empfehlenswerti, lokali band "count daisy" an seeplatz wädi füre gah. Chömed unbedingt au, tickets hets emel no. ;) Hüt hemmer nach wie vor offe bis am 12i, also lueged no uf e erfrischig drink verbi;-) peace bald s'Tankstelle Team

Wegem schlächte Wätter hemmer zuetue. Negscht Weekend gsehts besser uns und mir sind zueversichtlich, dass mer denn wieder göffnet hend :) Peace bald...