Ds Ferieprogramm wird i de nächschte täg postet. Bitte meudet näch frühzitig we dir öbis weit vo üs. Mit fründläche grüss und schöni Summerferie di wo hei.

LUCKY: Mi chli teddybär. Em libschte hesch dressürlet em länge züge. D ching hesch du immer für di gwunne mit dire liebe und fine art. Mi muss ou sege das du immer aständig bisch gsie mit de ching ob bim spaziere, rite, schmüsele oder blödele. Du hesch vo afang ah wo zu üs cho bisch geng chli gsundheitlächi problem gha. Mir hei üs uf das igstellt und s beschtä druss gmacht zämä. Ig ha gmerkt das du wider eh schlechti phase hesch. Ig ha denkt mir kämpfe wi bi jedere angere phase wo mir bis its immer zämä hei gmeisteret. Du hesch nüme möge uf de spaziergäng, hesch mit de angere nüme möge mithalte. Du hesch nüme bocket wes uf weid isch gange. Du hesch nüme möge ufstah zum heu esse. Di blick isch nüme so gsie wi mir ne kennt hei. Du hesch schmerze gha und hesch mir s verstoh geh das du nüme magsch. Drum ha ig mi müsse entscheide di s erlöse vo dine schmerze und vo dine beschwerde. Merci Lucky für die schöni Zyt wo ig mit dir ha dörfe erlebe ig und viu ching hei viu glehrt vo dir. Ig und dr Jessu vermisse di!

Dr Ricci isch aus zwöits pony zu mir cho. Du bisch nid eh eifache gsie aber glich e spezielle. Mir sie es igspielts team gsie. Egau für was du hesch immer mitgmacht. Du hesch immer chli seich im köpfli gha und isch de scho ab und zue hurti ab, aber immer nume bis zum nächschte grashaumli oder zur heubaue. Wenn mau öber angers mit dir het wöue es spaziergängli mache de hesch de scho gli mau gseit was derfo hautisch! Mit dim fründ em Baschi bisch dür dick und dünn, zwüschine heit dr enang gärgeret, gschmüsselet und gspieut. Mit dr Zyt hei dini Bei nüme so woue und überhaupt hesch du aboue. Mir hei nomau aues probiert, aber du hesch ganz klar mir zeiche geh. Das du nüme magsch und es für di kei fröid meh isch. Du hesch nüme aus mit becho wo dr ganz tag glüfe isch. Mit em Baschi und dr Bobine hesch ou nüme chönne umefrässe. Gli druf abe het sech di zustand no meh verschlechteret. Drum ha ig mi entschiede die endi Dezember s erlöse vo dine schmerze und Beschwerde. Merci Ricci für die schöni zyt wo ig mit dir ha dörfe erlebe!