Fabrika për përpunimin e Gurit dekorativ prodhon dhe shet për ju gurin me te veqant dekorativ dhe punimet me cilësore në treg. Historia e ndërmarrjes " SETI COMMERC"

Ndërmarrja  "Seti Commerc" është themeluar në vitin 1990 me seli në Suharekë (tani Therandë). Është themeluar nga vëllezërit Bajraktari me Drejtor z. Nisret Bajraktari. Ishte një ndër tri firmat e para të asaj kohe që është hapur si firmë private në Komunën e Suharekës. Fillimisht veprimtaria e kësaj firme ka qenë  tregtia me depotë ushqimore dhe me dyqane: një në Prishtinë dhe gjashtë në fshatra të Komunës së Suharekës. Kjo veprimtari është zhvilluar deri në fillim të vitin 1993.

Tri vite më pas firma "Seti Commerc" e ndërron veprimtarinë e vetë duke kaluar nga tregtia me mallra ushqimore në veprimtarin e shitjes së materialit ndërtimor dhe ndërtimin e shtëpive private. Këtë formë të biznesit kjo firmë e zhvilloi deri në vitin 1999.

Pas luftës firma "Seti Commerc" e zgjeron aktivitetin e saj tregtar  duke hapur edhe një biznes të ri për shitjen e derivateve të naftës – karburanteve dhe vajrave për automjete, me lokacion

në Shirokë të Suharekës.

Gjatë periudhës 1999 - 2005 bashkëpunoi me disa organizata humanitare si "World vision", "CDF", "KFOR”-in (kontigjentin Gjerman dhe atë Austriak )", dhe ``Zyrën Japoneze``.

Rritja e firmës “Seti  Commerc” nuk ka të ndalur. Në vitin 2004 zgjerohet duke ndërtuar një bazë për thyerjen e gurit, në Biraq të Suharekës, ku përfitohen fraksione të ndryshme të  zhavorit për nevojat e ndërtimtarisë. Me këtë zhavor kjo firmë ndërtoi shumë rrugë, shkolla, salla sportive, ujësjellës e kanalizime në këto komuna: Suharekë, Prizren, Ferizaj, Rahovec, Malishevë, Shtime, Dragash, Lipjan etj.

Kthesë të madhe firma "Seti Commerc" bëri në vitin 2009, kur investoi në ndërtimin e kapaciteteve për prodhimin e elementeve të betonit për shtrimin e rrugëve.

Me ndrrimin e lokacionit në vitin 2013, duke kaluar në zonën Industriale të Suharekës, përveç prodhimit të elementeve të betonit: kubza, anësore për rrugë etj. kjo firmë ndërtoi edhe kapacitetet prodhuese me një teknologji moderne  për prodhimin e betonit të gatshëm; si dhe kapacitetet për prodhimin e elementeve dekorative nga mermeri, të cilin e nxjerrë në minierën e mermerit në lokacionin “Biraq”- Suharekë. Ky lloj guri është i veqant, dekorativ dhe është mjaft i kërkuar në tregun vendor dhe atë ndërkombëtar.