Aktivitete kulturore dhe sportive për festën e 28 Nëntorit Për nder të Festës së 28 Nëntorit – Ditës së Flamurit, Komuna e Podujevës organizon një varg aktivitetesh kulturore dhe sportive. Agjenda e aktiviteteve: Më 27.11.2017 Ora 15:30 - Turneu memorial “Avni Demiri” në basketboll Marrinë pjesë ekipe nga Kosova Vendi: Palestra ”Hakif Zejnullahu Më 28.11.2017 Ora 15:00 - Turne në futboll të vogël - femrat Marrinë pjesë ekipe nga Kosova (KFF “Llapi”, KFF “ Intelektualet” Gjilan , KFF “Vizioni “ Ferizaj, KFF “13Qershori” Therandë, KFF “Kosova” e Prishtinës dhe KFF “Dukagjini” Klinë Vendi: Palestra “Hakif Zejnullahu” Ora 16:00 - Ekspozita e punimeve artizanale Vendi: Holli i Teatrit “Avdush Hasani” Ora 16:30 - Ora e madhe letrare, në kuadër të takimeve “Kadri Kadriu” Marrin pjesë krijues letrarë nga të gjitha trevat shqiptare Në orën letrare do të shpallen fituesit e konkursit letrar dhe do të jepet çmimi “Afrim Maliqi” për poezinë me të mirë te orës letrare. Vendi: Salla e Teatrit “Avdush Hasani” Ora 17:30 - Koncert Shkolla e Kitarës “Mirela” Vendi: Salla e Teatrit “Avdush Hasani”

Ndërtohen terrene sportive për komunitetet minoritare në Podujevë Në kuadër të bashkëpunimit të Komunës së Podujevës me Organizatën Ndërkombëtare për Migrim (IOM) në Podujevë do të fillojë realizmi i projektit të ndërtimit të terreneve sportive për komunitetet minoritare. Ndërtimi i terreneve sportive për komunitet minoritare në Podujevë, bëhet falë një marrëveshjeje të nënshkruar nga Kryetari i Komunës së Podujevës, Agim Veliu me përfaqësuesit e IOM-it, si implementuese e EU Programit për Stabilizimin e Komuniteteve (EU-CSP III). Pas marrëveshjes së nënshkruar është përzgjedhur kompania përfituese për implementimin e këtij projekti dhe ndërtimi i terreneve të hapura sportive do të fillojë menjëherë në një pronë komunale në Rrugën “Ali Ajeti” në Podujevë. Vlera e përgjithshme e këtij projekti është 26. 983 euro, ku EU-SPC III do të kontribuojë me 13,983 euro, kurse Komuna e Podujevës me 13 mijë euro. Në kuadër të këtij projekti, parashihet ndërtimi i fushës për futboll dhe basketboll si dhe rrethoja e këtij kompleksi sportiv.

Asfaltohen rrugët në disa lagje të qytetit dhe fshatrave të Podujevës Në lokalitete të ndryshme të Komunës e Podujevës po realizohen projektet e planifikuara për ndërtimin e infrastrukturës rrugore në lagje të qytetit dhe fshatrave . Për të përcjellë nga afër punimet, kryetari i Komunës së Podujevës, Agim Veliu, ka vizituar disa lagje të qytetit dhe fshatrave ku janë duke u asfaltuar rrugët. Kryetari Veliu tha se kompletimi i infrastrukturës rrugore është një nga prioritetet e ekzekutivit të Komunës së Podujevës. “Me projektet që po realizojmë në asfaltimin e rrugëve dhe rrugica të disa lagjeve të qytetit dhe në fshatra ne jemi duke kompletuar ndërtimin e infrastrukturës rrugore në komunën tonë. Vetëm gjatë këtij mandati qeverisës kemi asfaltuar mbi 200 kilometra rrugë”, tha kryetari Veliu. Në kuadër projekteve të investimeve në infrastrukturën rrugore ka përfunduar asfaltimi i shtatë rrugëve dhe rrugicave në pjesën e Qytetit “Podujeva 3”, si dhe dy rrugëve në “Podujeva 1”. Gjithashtu ka përfunduar asfaltimi i rrugëve në Lagjet Azemi e Hamiti në fshatin Dumnicë. Janë duke vazhduar punimet edhe në asfaltimin e rrugës nga fshati Shajkoc deri te Xeherorja dhe rrugë në lagje të ndryshme të qytetit dhe të fshatrave. Podujevë, 08.11.2017 Zyra për Marrëdhënie me Publikun dhe Informim

QKMF në Podujevë pajiset me mamograf digjital Kryetari i Komunës së Podujevës, Agim Veliu, ka vizituar sot Qendrën Kryesore të Mjekësisë Familjare në Podujevë, e cila është pajisur me mamografin e digjitalizuar, që mundëson diagnostikimin e hershëm të kancerit të gjirit. Gjatë vizitës në Qendrën Kryesore të Mjekësisë Familjare në Podujevë, kryetari i Komunës së Podujevës, Agim Veliu, është informuar nga drejtori i QKMF, Dr.Zaim Thaçi, për pajisjen e kësaj qendre me mamografin digjital të teknologjisë së fundit, i cili ofron mbrojtje maksimale nga efektet anësore për pacientet. Kryetari Veliu u shpreh i kënaqur që QKMF tashmë ka siguruar këtë pajisje për diagnostikim të hershëm të kancerit. “Falë kësaj pajisjeje, femrat llapjanë më nuk do të kenë nevojë të shkojnë në QKUK dhe të presin në termine të gjata për të marrë një shërbim të diagnostikimit, por këtë do ta kryejnë në QKMF në Podujevë në mamografin me aparaturë bashkëkohore dhe pa efekte anësore”, tha kryetari Veliu.

U përurua ndriçimi publik në Rrugën “Skënderbeu” Në kuadër të projekteve të shërbimeve publike është finalizuar projekti i ndriçimit publik në Rrugën “Skënderbeu” në Podujevë. Kryetari i Komunës së Podujevës, Agim Veliu, ka përuruar ndriçimin publik në Rrugën “Skënderbeu” në një gjatësi prej 1,7 km, i realizuar në dy anët e rrugës. Kryetari Veliu me këtë rast tha se projekti i ndriçimit publik do të vazhdojë edhe me vendosjen e rrjetit të ri të ndriçimit publik në këtë rrugë, nga rruga që lidhet me qendrën e qytetit, deri në hyrje të fshatit Dumnicë. “Ndriçimi publik në qytet dhe fshatra vazhdon të mbetet një nga prioritetet tona në sektorin e shërbimeve publike edhe gjatë mandatit të ardhshëm qeverisës”, tha Kryetari Veliu. Podujevë, 02.11.2017 Zyra për Marrëdhënie me Publikun dhe Informim

Në Lupç të Epërm po ndërtohet rrjeti i kanalizimit Kryetari i Komunës së Podujevës, Agim Veliu, ka vizituar fshatin Lupç i Epërm, ku po zhvillohen punimet në ndërtimin e rrjetit të kanalizimit fekal. Në fshatin Lupç i Epërm është duke u realizuar projekti i ndërtimit të rrjetit të kanalizimit fekal. Për të përcjellë punimet në realizimin e këtij projekti, Kryetari i Komunës së Podujevës, Agim Veliu, i shoqëruar nga drejtori i Shërbimeve Publike, Faik Muçiqi, ka vizituar Lupçin e Epërm. “Projekti i kanalizimit që po ndërtohet në këtë fshat, do të finalizohet me kolektorin, e që përfundimisht do ta zgjidh problemin e grumbullimit të ujërave të zeza për katër fshatra të kësaj ane”, tha kryetari Veliu . Krahas ndërtimit të rrjetit të kanalizimit në një gjatësi prej 1.7 km në Lupç të Epërm, atje do të follojë edhe realizimi i projektit të ndërtimit të kolektorit për trajtimin e ujërave të zeza për fshatrat Lupç i Poshtëm- Majac-Lupç i Epërm- Popovë.

Pyllëzohen sipërfaqet e zhveshura në Parkun e Paqes në Podujevë Kryetari Komunës së Podujevës, Agim Veliu, ka vizituar sot Parkun e Paqes ku është duke u bërë pyllëzimi i një sipërfaqeje të zhveshur të këtij parku. Në Parkun e Paqes në Podujevë, në bashkëpunim më Agjencionin e Pyjeve të Kosovës, është duke u realizuar projekti i pyllëzimi në një sipërfaqe prej 3,5 hektarësh. Kryetari i Komunës së Podujevës, Agim Veliu, i shoqëruar nga Hakif Hyseni - drejtor i Drejtorisë së Pyjeve për Regjionin e Prishtinës, vizitoi Parkun e Paqes, ku janë duke u mbjellë mbi 8 mijë fidanë të llojeve të ndryshme të pishës si dhe pjesën ku është u bërë pastrimi i parkut. “Investimet në sektorin e ambientit dhe shtimin e hapësirave të gjelbëruara vazhdojnë të jenë prioritet i qeverisjes komunale”, tha kryetari Veliu. Komuna e Podujevës në bashkëpunim me Agjencinë e Pyjeve të Kosovës ka realizuar edhe projekte të tjera të pyllëzimit dhe pastrimit të pyjeve. Podujevë, 30.10.2017 Zyra për Marrëdhënie me Publikun dhe Informim

Fillon ndërtimi i urës së re në Lupç të Poshtëm Komuna e Podujevës njofton qytetarët e fshatrave Lupç i Poshtëm, Majac, Lupç i Epërm dhe Popovë, se më 31.10.2017 (e martë) do të fillojë ndërtimi i urës së re mbi lumin Llap, në fshatin Lupç i Poshtëm. Me këtë rast do të bëhet rrënimi i urës së vjetër. Prandaj lusim qytetarët e këtyre fshatrave që gjatë kësaj periudhe të shfrytëzojnë për qarkullim rrugët alternative. Podujevë, 30.10.2017 Zyra për Marrëdhënie me Publikun dhe Informim

Ndërtohen edhe 30 shtëpi për familjet në Lagjen e Dëshmorëve Kryetari i Komunës së Podujevës, Agim Veliu, ka vendosur sot gurthemelin për ndërtimin edhe të 30 shtëpive në Lagjen e Dëshmorëve në Balloc të Podujevës. Në Lagjen e Dëshmorëve në Balloc të Podujevës, kryetari i Komunës së Podujevës, Agim Veliu, sot ka vendosur solemnisht gurthemelin për ndërtimin e 30 shtëpive për familjet e strehuara në objektet montazh të kësaj lagjeje. Në ceremoninë e organizuar me këtë rast, kryetari Veliu tha se projekti i ndërtimit të shtëpive në këtë lagje do të vazhdojë. “Nuk do të ndalemi derisa ta largojmë familjen e fundit nga banesat montazh. Pas ndërtimit të gjitha shtëpive, do ta rregullojmë infrastrukturën rrugore, përfshirë edhe ndriçimin publik, në mënyrë që kjo lagje ta merr pamjen e një vendbanimi bashkëkohorë”, tha kryetari Veliu. Ndërtimi i shtëpive në Lagjen e Dëshmorëve është projekt i përbashkët i Ministrisë së Punës dhe Mirëqenies Sociale dhe Komunës së Podujevës. Në kuadër të këtij projekti deri tash janë ndërtuar 60 shtëpi për familjet që jetojnë në atë lagje.

Kryetari Veliu pranoi certifikatat “Global Gap” për kultivuesit e mjedrës Kryetari i Komunës së Podujevës, Agim Veliu, ka pranuar sot nga USAID-i certifikatat “Global Gap” për kultivuesit llapjanë të mjedrës. Në kuadër të implementimit të projektit për certifikimin e fermerëve me standardin “Global Gap”, kryetari i Komunës së Podujevës, Agim Veliu, ka pranuar certifikatat “Global Gap” për kultivuesit llapjanë të mjedrës. Me rastin e pranimit të certifikatave nga përfaqësuesi i USAID-it, kryetari Velu është shprehur i lumtur që fermerët kultivues të mjedrës, tashmë kanë përmbushur kriteret që produktet e tyre të plotësojnë të gjitha standardet për të qenë konkurrente në tregun evropian. “Më gëzon fakti se fermerët llapjanë janë grupi i dytë më i madh në botë që sivjet janë certifikuar me standardin ‘Global Gap’”, tha kryetari Veliu. Certifikimi i fermerëve llapjanë me këtë standard vjen si rezultat e bashkëpunimit ndërmjet Komunës së Podujevës dhe USAID-it. Kohë më parë në kuadër të këtij program fermerëve llapjanë kultivues të mjedrës u janë shpërndarë pajisjet e nevojshme për certifikim me standardin “Global Gap”. Falë partneritetit me USAID-in në programin kultivimin e mjedrës, Podujeva është bërë qendër referente në Kosovë për kultivimin e mjedrës. Vlerësohet se në territorin e Komunës së Podujevës janë rreth 1000 hektarë të mbjella me këtë kulturë të pemëtarisë së imtë.

Shkolla “Pavarësia” në Siboc bëhet me bibliotekë Shkolla Fillore e Mesme e Ulët “Pavarësia” në Siboc u bë me bibliotekë, e cila ka një fond prej 1,200 ekzemplarë librash. Me një ceremoni të organizuar në SHFMU “Pavarësia”, ku ishte i pranishëm edhe kryetari i Komunës së Podujevës, Agim Veliu, u përurua biblioteka e kësaj shkolle. Shkolla “Pavarësia” u bë me bibliotekë falë donacionit nga Shoqata Gjermane “KINDERAUGEN” në bashkëpunim me Komunën e Podujevës. Kryetari Komunës së Podujevës, Agim Veliu, falënderoi përfaqësuesit e shoqatës gjermane për këtë donacion. “Falë këtij investimi, nxënësit e kësaj shkolle tash kanë bibliotekën e tyre, ku mund t’i thellojnë njohuritë e tyre me literaturë të pasur”, tha kryetari Veliu, Kryetari i shoqatës "Kinderaugen" Franc Herbert shprehu kënaqësinë që kanë zgjedhur shkollën “Pavarësia” për të investuar në krijimin e bibliotekës, e cila ka munguar kësaj shkolle.

Në shkollën “Kongresi i Manastirit” u përurua këndi i lojërave për fëmijë Në shkollën Fillore e Mesme e Ulët “Kongresi i Manastirit” në Gllamnik sot është përuruar këndi i lojërave për fëmijë Me një ceremoni solemne, ku ishte i pranishëm edhe kryetari i Komunës së Podujevës, Agim Veliu, në shkollën Fillore e Mesme e Ulët “Kongresi i Manastirit” në Gllamnik sot është përuruar këndi i lojërave për fëmijë, donacion i Shoqatës gjermane “KINDERAUGEN” dhe bashkatdhetarit Afrim Zhugolli. Me rastin e përurimit të këtij projekti, kryetari Veliu tha se ndjehet i lumtur që, falë një bashkëpunimi të shkëlqyeshëm me Shoqatën gjermane “KINDERAUGEN” dhe falë kontributit të madh të bashkatdhetarit tonë Afrim Zhugolli, kjo shkollë u bë me kënd të lojërave për fëmijë, kurse biblioteka e shkollës u pasurua me tituj të rinj. “Shkolla ‘Kongresi i Manastirit’ në Gllamnik është e veçantë, për faktin se në këtë shkollë funksionon edhe paralelja ku vijojnë mësimet fëmijët me nevoja të veçanta”, tha kryetari Veliu, me rastin e përurimit të këndit të lojërave. Në përurimin e këtij projekti mori pjesë edhe kryetari i Shoqatës Gjermane “KINDERAUGEN”, Franc Herbert, i cili u shpreh i lumtur që ky kënd i lojërave do të jetë në dispozicion të nxënësve të kësaj shkolle. Në shenjë falënderimi për realizimin e këtij projekti, kryetari Veliu nderoi me mirënjohje kryetarin e Shoqatës “KINDERAUGEN” dhe bashkatdhetarin Afrim Zhugolli.

Zyrtarisht te Martuar 📄🖋💑❤️

Shpresojme te behet dicka pas ketij takimi...

podujevapapaster

Shpresojme te behet dicka pas ketij takimi...