Shoqata Kulturore Dituria- Bujanoc Shoqata Kulturore "DITURIA" Preshevë

Jeta kulturore në Luginën e Preshevës është pothuajse e braktisur. Mungojnë iniciativat të cilat do ta avanconin jetën kulturore.
Investimet në fushën e kulturës dhe sferave tjera të jetës shoqërore as për së afërmi nuk i plotësojnë nevojat elementare.
Në mungesë të aktiviteteve kulturore rinia është lënë nën mëshirën e fatit. Për ta zbutur sadopak këtë vakum kulturorë, është themeluar Shoqata Kulturore “Dituria” me seli në Preshevë. Në të vërtetë, kjo shoqatë veprimtarinë e vet e zhvillon që nga vitet ‘90 – ta të fundshekullit të kaluar. Në fillim ka vepruar nën emrin e “Sami Frashërit” njëri nga tre vëllezërit Frashri, si veprimtar dhe shkrimtarë i shquar i Rilindjes Kombëtare Shqiptare. Në vitin 2000 pas përfundimit të luftës në Kosovë Shoqata jonë emërohet me emrin "DITURIA" për shkaqe administrative.
Kjo shoqatë aktivitetin e saj e zhvillon në dy segmente: kulturorë dhe humanitarë.
Në rrafshin kulturorë merret me organizimin e kurseve të gjuhës angleze, organizimin e kurseve të kompjuterit, merr pjesë në fushata të ndryshme për senzbilizimin e opinionit kundër dukurive negative siç janë droga, prostitucioni, alkooli. Organizon programe kulturore artistike “Kuisi i Diturisë”, aksione për pastrimin e ambientit, organizon promovime të librit, ekspozita etj.

Në kuadër të Shoqatës Kulturore “DITURIA” veprimtarin e vet e zhvillojnë edhe sektori i rinisë dhe ai gruas.
Që nga 1 maji 2013 Shoqata Kulturore DITURIA e ka shtrirë aktivitetin e saj edhe në qytetin e Bujanocit duke hapur degën e saj për të qenë sa më afër me aktivitetet e saj në këtë rajon.