Ibën Kajimi (Allahu e mëshiroftë) ka thënë: Burimet e mëkateve janë tri: 1. Kryelartësia: është ajo që e shpiu Iblisin (shejtanin) në zjarr. 2. Lakmia: është ajo që e nxori Ademin, alejhi selam, nga Xheneti. 3. Zilia: është ajo që e nxiti birin e Ademit ta mbys vëllanë e tij. Ai i cili mbrohet prej këtyre tri gjërave, vetëm se është mbrojtur prej të gjitha të këqijave, meqë kufri bëhet nga kryelartësia, mëkatet nga lakmia dhe padrejtësia, ndërsa zullumi është pasojë e zilisë.

Ai i cili dje thoshte se është bidat falja e namazit të natës në xhami bashkërisht ngase këtë nuk e ka vepruar Pejgamberi salAllahu alejhi we selem, sot ky i njëjti feston Mevludin të cilin nuk e ka vepruar Pejgamberi salAllahu alejhi we selem! Nëse arsyetoheni se Mevludi është vepër e mirë ngase përkujton Pejgamberin salAllahu alejhi we selem, atëherë për ju si kelamist, logjikisht a nuk është vepër edhe më e mirë mbledhja në xhami për ta përkujtuar Allahun me namaz?! Të parën e lejoni ngase keni përfitime, ndërsa për të dytën duhet të qëndroni zgjuar natën vonë, prandaj u konsideroka bidat!!! Samvill Abazibra

Thotë Hasan el Basriu rahimehullah: "Ata që ishin para jush kishin zemra të buta e rrobat e vrazhda, ndërsa rrobat tuaja janë të buta kurse zemrat e vrazhda". [El-Xhahiz, El-Bejanu wet-Tebjin, fq.471] Përkthim: Samvill Abazibra

Ti patjetër do të sprovohesh!!

SPROVA Thua se në këtë botë, Allahu na sprovon, por kur sprova të godet, syri të loton. Mos vëlla kështu, mos u ligështo, sprova është për burra, këtë mos harro. Edhe ata para nesh, shumë u sprovuan, u kaloi vështirësia, shpërblim fituan. Thua nuk e meritova, vallë pse më ndodhi, të deshti Allahu vëlla, të dashur të zgjodhi. Me sprovën pajtohu, nuk ke ku të shkosh, nëse ti mërzitesh, nuk mund ta largosh. Fillimi është i rënd, pastaj vjen lehtësimi, duro vëlla i dashur, se pason shpërblimi. Prej sprovës ke dobi, nga ajo forcohesh, të fshihen gjunahet, i tëri pastrohesh. Kur sprova të të duket e madhe, mos u dëshpëro, ka një Zot më të madh se ajo, Atij i beso. Nëse ti dëshiron, sprova të të lehtësohet, shiko atë më keq se ti, shpirti do të qetësohet. Sprova është mësim për ty, ajo nuk është dënim, që t'i kthehesh fesë së Allahut, e të gjesh shpëtim. Xhenneti u përmallua, për besimtarë që sprovohen, me pejgamberët e Allahut, aty të bashkohen. Mos qaj më vëlla, hajt fshiji lotët, të dhashtë Allahu gëzim, në të dy botët. Poezi nga: Samvill Abazibra

Thotë Fudajl ibn Ijadi rahimehullah: "Askujt nuk do t'i jepet diçka prej dunjasë e të mos i jepet edhe dyfish më shumë dëshira për të, dyfish më shumë preokopim me dunjanë, e dyfish më shumë brengosje. Pa marrë parasysh se sa do i jepet njeriut nga dunjaja, aq do i pakësohet nga Ahireti. Pasha Allahun, shembulli i kësaj është sikur shembulli i një thesi, sado që merrë nga ai në këtë dunja, do të të mbetet më pak për Ahiret, e atëherë merr nga dunjaja jote po deshe pak, e po deshe shumë". [Shuabul-iman, 7/384] Përkthim: Samvill Abazibra

Realiteti...

Reagim ndaj Bashkësisë Islame të Kosovës rreth Drilon Gashit Nëqoftëse një hoxhë në ndonjë xhami do të falte namaz me ngritjen e duarve gjatë tekbireve, menjëherë do të dëbohej nga puna me arsyetim se Bashkësia Islame e Kosovës punon sipas programit të shkollës gjoja "Hanefite". Mirëpo, kur një hoxhë mushrik siç është Drilon Gashi i thotë Ademit alejhi selam se ka evoluar nga majmuni në Adem, atëherë Bashkësia Islame e Kosovës ia ndërton një xhami në Pejë dhe e fut atë si imam. Pasha Allahun kjo është e pafalshme. A thua se evolucioni nga majmuni në njeri është besim i medh'hebit Hanefi?! Ju e larguat nga puna një hoxhë vetëm pse kurvës i tha kurvë, ndërsa ia siguruat vendin në xhami atij që Ademit alejhi selam i thotë majmun! Nëse kjo gjë nuk ju pikëllon për Ademin alejhi selam, mos harroni se ky besim i tij është fyerje edhe për ju, edhe për juve është bindja e njejtë se keni evoluar nga majmuni! Hë, ju preku? Po për Ademin alejhi selam ju dhemb ndonjë gjë?! Nuk mërziteni?! Ne nuk do dëshironim që para popullit të shiheni si Bashkësia Darwiniste e Kosovës. Dedikuar Drilonit dhe dashamirëve të tij Driloni në mungesë të diturisë për t'iu kundërpërgjigjur ateistëve rreth evolucionit, përqafoi besimin e tyre. Ne e kuptojmë Drilonin se mund të ketë ardhur në këtë përfundim edhe duke medituar për vetvetën e tij, por asnjëherë nuk do të lejojmë që më i bukuri i njerëzimit Ademi alejhi selam të quhet pasardhës i majmunëve, e aq më pak Muhammedi salAllahu alejhi ve selem. Pasi që Driloni bën kufër duke i mohuar hadithet e sakta rreth mënyrës së krijimit të Ademit alejhi selam vetëm pse nuk ia mbështesin bindjen e tij Darwiniste, atëherë t'i qasemi shkurtimisht ajeteve nga surja Hixhr që ia mbyllin çdo derë të devijimit të tij: 28.Dhe (përkujto) kur Zoti yt engjëjve u tha: "Unë po krijoj njeriun nga balta e tharë, e zezë e me erë." 29.E kur ta përsosë atë (në formën e njeriut) dhe t'i japë atij shpirtin që është krijesë Imja, atëherë ju bini atij në sexhde". 30.Të gjithë engjëjt tok, bënë sexhde". Parashtroj pyetje: Kujt i ranë në sexhde melekët, një majmuni?! Allahu na tregon për fazën e krijimit të Ademit alejhi selam nga balta deri tek shpirti, e që në momentin që i jep shpirtin, urdhëron melekët t'i biejnë në sexhde, ndërsa mushriku sipas evulucionit beson se Ademi alejhi selam thjeshtë ishte pasardhës i krijesave që kishin shpirt edhe para tij, ndërsa Allahu gjallërinë me shpirt e pohon nga Ademi alejhi selam vetëm pasi që e krijoi atë si Adem. Allahu në Kur'an përmend ngjarjen e njerëzve të së shtunës ku për t'i nënçmuar ata me dënim, i shndërroi nga njerëz në majmuna, ndërsa me çfarë logjike Allahu do ta nënçmonte njeriun që ta evulojë nga majmuni në njeri?! Mos vallë Driloni është pasardhës i njerëzve të së shtunës dhe tani bën tentativa që tu del në mbrojtje lozës së vet?! Nëse Ademi alejhi selam është krijesë që evuloi nga majmuni në njeri, parashtroj pyetjen, a nuk ishte Ademi njeriu i parë i krijuar?! Atëherë pak kohë para Ademit alejhi selam, gjithë ata majmuna që ishin në fazën e evolimit për tu bërë njerëz ku u zhdukën e që mbeti vetëm Ademi alejhi selam?! Thotë Allahu në Kur'an: E kur Zoti yt u tha engjëjve: "Unë po krijoj (po përcaktoj) në tokë një zëvendës!". [El Bekare, 30] Kë krijoi Allahu si zëvendës në tokë, një majmun?! Kërkojmë urgjentisht nga Bashkësia Islame e Kosovës që ta përjashtoj nga detyra si imam, hoxhë Drilon Gashin. Mospërfillja e kësaj kërkese nënkupton miratimin e besimit të tij Darwinist. Nga: Samvill Abazibra Linku me dekleratat e tij: https://m.facebook.com/story.php?story_fbid=1572239956173426&id=100001623099784&ref=bookmarks

LIVE | Ezani i Namazit të Akshamit

#SHARE