Spiro Qirko - Ekokardiografia klinike Ekokardiografia, ekzaminimi i zemrës me ultratinguj e njohur, e njohur shpesh me termin “teknika e pamjes së të padukshmes” është duke u zhvilluar në mënyrë marramendëse dhe nuk do të jetë e largët dita, kur ultratingujt do të pasqyrojnë në ekran botën molekulare të zemrës. Në këtë mënyrë, ajo sot ka zënë vend në arenën e teknikave imazherike të domosdoshme për zgjidhjen e diagnozave ndër me të ndërlikuara të sëmundjeve të zemrës, duke qenë ndërkohë pjesë përbërëse e rëndësishme në vendimmarrjen e mjekimit dhe të ecurisë së sëmundjes. Këtë pikësynim ka patur botimi i librit “Ekokardiografia Klinike” me drejtues botimi Prof. Spiro Qirko. Ky botim, i pari në këtë format, plotëson një nevojë të kaherëshme të një teksti bazë për formimin dhe aftësimin e kardiologeve shqiptare me këtë teknikë baskekohore, që e ka zanfillën në Shqipëri që prej vitit 1982. Dalja në dritë e tij do të shëbejë jo vetëm për kardiologët, mjekët e përgjithshëm, reanimatorët dhe specializantët e kardiologjisë brenda vendit, por edhe për ata që jetojnë në trevat shqipfolëse si Kosovë, Maqedoni dhe Mal të Zi. Teksti përfshin thuajse të gjitha teknikat ekokardiografike me një shtrirje nga teknikat klasike në ato bashkëkohore duke pasqyruar përparësitë dhe mangësite e tyre. Librin e përshkon lajmotivi “jo ekokardiografi për ekokardiografi”, por “ekokardiografi ne funksion të klinikës”. Hartimi i tij është produkt i një bashkëpunimi autorësh shqiptarë dhe të huaj, ndër më të vlerësuarit e ekokardiografisë europiane dhe botërore, të cilët patën mirësinë të jepnin ndihmesën e tyre të vyer sidomos në shtjellimin e disa teknikve ekokardiografike të viteve të fundit. Libri përmban një numër të madh figurash të një cilësie të lartë, pa të cilat përmbajtja e tekstit nuk do të përthithej në shkallën e duhur. Bibliografia e pasur dhe bashkëkohore mundëson hapjen e horizonteve të reja për hulumtime të thelluara në këtë fushë.

Abdurrahim Maxhuni - Vëzhgime mbi leksikun dhe frazeologjinë e Vushtrrisë me rrethinë Punimi studimor me titull “VËZHGIME MBI LEKSIKUN DHE FRAZEOLOGJINË E VUSHTRRISË ME RRETHINË”, i Abdurrahim Maxhunit, është me interes për gjuhësinë tonë sepse sjell një korpus të rëndësishëm të leksikut dhe frazeologjisë nga një areal të studiuar mirë në rrafshin dialektologjik edhe nga gjuhëtarë të tjerë (prof. Latif Mulaku, Ragip Mulaku), porse leksiku i kësaj krahinëze tani është marrë në një observim më të plotë e më të detajuar, më tërësor. Areali i Vushtrrisë vërtet paraqet një zonë me interes për studime dialektologjike, leksikologjike e sociolinguistike, sikurse edhe arealet e tjera të Kosovës dhe të shqipes përgjithësisht, sepse ato nuk janë studiuar shterueshëm deri më tani. Nga ky aspekt, punimi i kandidatit është i përligjur, sepse sjell korpuse të reja leksikore dhe frazeologjike nga të krahinës që ka marrë në vështrim, që rrokin rreth 2000 njësi leksikore, me shpjegime dhe interpretime të qëndrueshme shkencore. Libri ka një materie të shtruar nëpër disa krerë, ku jepen shpalime gjuhësore historike dhe etimologjike së pari për vetë toponimin Vushtrri, të mbështetura në fakte e argumente shkencore. Autori së pari merr në vështrim etimologjinë e topikut Vushtrri, duke paraqitur disa hipoteza a etimologji popullore, e pastaj u referohet dhe disa shpjegimeve më të argumentuara shkencore, sipas të cilave ky është një emërtim i ri, rrjedhur nga një emër personal homonim, që del të përdoret si emër vetjak Vlčina, Vlčinić e Vlk edhe në areale të tjera të Kosovës. Përveç leksikut të përgjithshëm, që paraqet thelbin ose pjesën kryesore të veprës, është shtuar në një kapitull të veçantë edhe Leksiku toponimik i Vushtrrisë, sepse dihet që edhe toponimet janë gjuhë, i takojnë leksikologjisë onomastike, dhe madje leksiku toponimik paraqet pjesën më të ngulët, konservuese, dhe me shumë interes të gjuhës, sepse ruan edhe forma fonetike e morfologjike të cilat nuk ruhen te leksiku i përgjithshëm. Abdurrahim Maxhuni ka vjelë një materiali të pasur leksikor dhe atë e ka interpretuar drejt, përfshirë këtu edhe disa tekste dialektore të arealit përkatës. Punimi është hartuar me kritere shkencore, me shtjellime të drejta, dhe si i tillë i plotëson kriteret të botohet si libër më vete, që pa dyshim do të sjellë kontribute me vlerë për studimet tona gjuhësore. Prof. dr. Qemal MURATI Prof. dr. Ragip MULAKU

Titull i ri! Dr. Nehat Krasniqi - Zhvillimi i kulturës shqiptare me ndikime orientale prej shekullit XVIII deri në fillimet e rilindjes kombëtare

Sapo doli në shqip! Dan Brown - Origjina KUSHDO TË JENI, ÇFARËDO TË BESONI, GJITHÇKA ËSHTË GATI TË NDRYSHOJË. BILBAO, SPANJË ROBERT LANGDON, profesor i simbologjisë dhe i ikonologjisë në Harvard, mbërrin në muzeun ultramodern Gugenhajm të Bilbaos për të qenë i pranishëm në një njoftim madhor – paraqitjen e një zbulimi që “do të ndryshojë përgjithmonë fytyrën e shkencës”. Prezantuesi i mbrëmjes është Edmond Kirsh, një miliarder dhe futurist dyzetvjeçar, të cilin, zbulimet mahnitëse në teknologjinë e lartë dhe parashikimet e guximshme e kanë bërë një figurë të famshme globale. Kirsh, që kishte qenë një nga studentët e parë të Langdonit në Harvard para dy dhjetëvjeçarësh, po bëhet gati të shpallë një zbulim të madh të habitshëm – një zbulim që do t’u japë përgjigje dy prej pyetjeve fundamentale të ekzistencës njerëzore. Sa fillon veprimtaria, Langdoni dhe disa qindra të ftuar të tjerë mbeten të magjepsur nga një prezantim krejtësisht origjinal – që Langdoni e kupton se do të jetë shumë më i debatueshëm nga sa e kishte përfytyruar më parë. Por mbrëmja e organizuar përsosurisht papritmas shndërrohet në kaos, dhe zbulimi i çmuar i Kirshit rrezikon të humbasë përgjithmonë. I trullosur dhe i ndodhur përballë një kërcënimi të pashmangshëm, Langdoni detyrohet të bëjë një orvatje të dëshpëruar për t’u larguar nga Bilbao. Me të është Ambra Vidal, drejtoresha elegante e muzeut, që kishte punuar me Kirshin për të organizuar veprimtarinë provokuese. Së bashku ikin me ngut në Barcelonë në një kërkim të rrezikshëm për të gjetur vendndodhjen e fjalëkalimit kriptik, që do ta zbulojë sekretin e Kirshit. Duke lëvizur në korridoret e historisë së fshehtë dhe të fesë ekstreme, Langdoni dhe Vidali duhet t’i shmangen një armiku të pamëshirshëm, fuqia e gjithëdijshme e të cilit duket se buron nga vetë Pallati Mbretëror i Spanjës... dhe i cili nuk do të ndalet para asgjëje për t’ia mbyllur gojën Edmond Kirshit. Duke ndjekur një gjurmë të ndriçuar nga arti modern dhe simbolet enigmatike, Langdoni dhe Vidali zbulojnë të dhëna që më në fund i çojnë ballë për ballë me zbulimin tronditës të Kirshit... dhe të vërtetën befasuese që nuk e kemi rrokur prej kohësh. Origjina është jashtëzakonisht krijues – romani më i shkëlqyer dhe më zbavitës i Dan Brown-it deri më sot.

Earl Nightingale - Sekreti më i çuditshëm A e dini se çfarë ndodhë me 100 individë që fillojnë punën rreth moshës 25 vjeçare dhe që besojnë se do të jenë të suksesshëm? Deri në moshën 65-vjeçare, vetëm pesë prej tyre arrijnë ta kalojnë klasën! Pse një numër kaq i madh i tyre dështojnë? Çfarë ndodh me shkëlqimin që ata kanë si 25 vjeç? Çfarë ndodh me ëndrrat, shpresat e planet e tyre ... dhe pse ka një shpërputhje kaq të madhe në mes asaj që njerëzit kanë për qëllim të arrijnë dhe asaj çfarë arrijnë në realitet? Ky është... sekreti më i çuditshëm. Çmimi: 2.50 euro Faqe: 40

Grup autorësh - Atlas i diseksionit të njeriut

Ndër titujt më të kërkuar të javës!

Librin mund ta gjeni në librarinë tonë!

Tituj të rinj

Sapo doli në shitje! Kolë Krasniqi - Paraqitja dhe zhvillimi i esktremizmit islamist në Kosovë dhe vendet e rajonit

Zekerija Idrizi - Arratisja nga “vdekja”

Titull i ri nga fusha e arkitekturës! Albert Mustafa - Dimensioni i përjetimit dhe perceptimit në arkitekturë Trajtimi i arkitektures ne dimension me teper shpirteror e emocional, sic eshte dimensioni i perjetimit dhe perceptimit ne arkitekture, eshte thelbi i ketij libri. �Hapsira arkitektonike dhe menyra se si e perceptojme ate, si dhe perjetimi i kesaj hapesire, jane indikatore te fuqishen ne jeten e njeriut. Prandaj, keto dy ceshtje jane trajtuar jo vetem ne rrafshin arkitektonik, por edhe ne ate filozofik, psikologjik e emocional.

Hillary Rodham Clinton - Historia e jetës sime Hillary Rodham Clinton është e njohur për qindra milionë njerëz në mbarë rruzullin. Megjithatë, përveç miqve të ngushtë dhe familjes së saj, të paktë janë ata që e kanë dëgjuar përshkrimin e udhëtimit të saj të jashtëzakonshëm. “Historia e jetës sime” është një jetëshkrim i shkurtër, që shpalos jetën e saj gjatë viteve që kaloi në Shtëpinë e Bardhë. Ky libër është gjithashtu kronika e historisë që jeton me Bill Klintonin, një aventurë më shumë se tridhjetëvjeçare mes dashurisë dhe politikës, që i mbijetoi tradhtisë personale, hetimeve të pafundme të palëve dhe shqyrtimit të vazhdueshëm e të hollësishëm nga ana e publikut.

Emil Richeburg - Bija e mallkuar Luçia, pasi kaptoi gardhin e kopshtit, u drejtua për në Sableuse. Djaloshi i panjohur e priste matanë vijës, pak hapa larg urës së vogël. Për një çast, ajo u gjend pranë tij. Pa lëshuar asnjë fjalë , ai e përqafoi dhe e shtrëngoi në kraharorin e tij.

Orhan Pamuk-Stambolli Duke shkruar një rrëfim mbi ngjarjet e largëta historike, autori nënvizon historinë e tij dhe të familjes, përmes rrëfimeve të gjyshes, fotografive dhe gravurave. Dhe s'ka rëndësi, në është fjala për vizitën e Floberit në Stambollin e vitit 1850 apo për marrjen e Konstandinopolit.

Guillaume Musso - Sepse të dua Lajla, një vajzë e vogël 5 vjeçare, zhduket në një qendër tregtare të Los Anxhelosit. Prindërit e saj, të thyer, të vrarë shpirtërisht ndahen nga njëri – tjetri. Pesë vjet më vonë, vajza gjendet pikërisht në të njëjtin vend ku kishte humbur. Ajo është gjallë, por e zhytur në një heshtje dhe mister të thellë.

Cheryl Strayed - Shpirt i egër Në moshën 22-vjeçare, Cheryl Strayed mendoi se kishte humbur gjithçka. Pas humbjes së nënës, secili në familje mori rrugën e tij dhe shumë shpejt mori fund edhe martesa e saj. Katër vjet më vonë, duke menduar se nuk kishte më asgjë për të humbur, ajo mori vendimin më të rëndësishëm të jetës.

Daniela Farnese-Femrave u pëlqen e kuqja Ambra është njëzet e nëntë vjeçe, ka pasion librat dhe kuzhinën dhe një karrierë të shkëlqyer në Nju Jork. Një telefonatë e papritur do ta detyrojë të braktisë Amerikën për t’u kthyer në vendlindjen e saj, në Itali. Atje, mes vreshtave e nuancave të verërave, do të rizbulojë peizazhe të pashoqe, një jetë përtej smartphone-it dhe karrierës dhe gjithashtu... do të ritakohet me Alesandron, enologun dhe shokun e ngushtë të fëmijërisë, i cili do t’ia trazojë shpirtin e mendjen më shumë, tani që është rritur... A mjafton një telefonatë për të ndryshuar një jetë? Si mund t’i mbijetojmë stuhive të dashurisë? Çdo femër mund të jetë unike, mjafton ta dëshirojë këtë! “Sa më shumë i njoh meshkujt, aq më shumë dua të pi…”

Niamh Greene-Rregulla për një jetë perfekte Meixhi do të dëshironte shumë një jetë, në të cilën gjithçka të funksiononte, por, nëse vazhdon t’i thyejë rregullat, është e detyruar të kalojë nga njëra e papritur te tjetra… Në fakt, pasi ka humbur punën në Dublin, është e detyruar të heqë dorë prej këpucëve të saj të markës, Jimmy Choo, për të veshur ca çizme pune të llahtarshme, të gjejë strehë në fshatin e përgjumur Glaken dhe të bëjë atë që nuk e kishte imagjinuar kurrë, as edhe në makthet e saj më të këqija: të pastrojë stallat e të kujdeset për kafshët. Por Meixhi është kryeneçe, nuk dorëzohet dhe përkundrazi, është e gatshme për gjithçka, veç që të arrijë gëzimin dhe qetësinë që meriton. Dhe, ndoshta, përtej çdo rregulli, një jetë e përkryer dhe një dashuri fantastike janë aty që e presin…

Ditari i nje vajze anonime nga Viena Me një rekomandim të denjë dhe vlerësues të Zigmund Frojdit vjen ky ditar i kësaj adoleshenteje që shkruan pjesë nga jeta e saj, por që është e ngjashme me jetën e gjithë bashkëmoshatareve të saj në të gjithë botën e siç duket në të gjith kohërat, pasi në këtë tekst preket shpirti i vajzane në moshën që shkëputen nga lodrat për të hyrë në një botë të vërtetë, ku kukullat shndërrohen në njerëz. Ç’i ndodh një vajze të re në këtë moshë? Ç’ndryshime dhe të fshehta ka shpirti i saj ende i pangjizur? Nën ndikimin e kujt formohet ajo në këtë fazë vendimtare të jetës, nën ndikimin e prindërve, të mësuesve, apo të shoqërisë? Ky libër psiko-filozofik tenton të shprehë gjithë rregëtimat e kësaj bote të fshehtë dhe të hapur dhe i drejtohet njëkohësisht gjithë atij brezi që po e bën këtë hap moshor, por edhe prindërve që duan ta kuptojnë fëmijën e tyre në këtë moshë.

Ndër librat më të shitur të të gjitha kohërave😊 Dale Carnegie-Psikologjia e suksesit 1 (si të krijoni miq dhe të fitoni përkrahjen e njerëzve) Dale Carnegie-Psikologjia e suksesit 2 (si t'i harroni brengat dhe të gjeni kënaqësi në jetë) Dale Carnegie-Psikologjia e suksesit 3 (si të zhvilloni mjeshtërinë e oratorisë apo si ta fitoni vetëbesimin)

Eqrem Bej Vlora - Kujtime Padyshim një zbulim! Një libër magjepsës! Një nga dëshmitë më interesante për këdo që dëshiron të njohë të shkuarën tonë, atë çka s'e gjen dot në librat e historisë. Që të ndihmon të kuptosh shumëçka sot në kundërshtitë e dritëhijeve të jetës shqiptare. Një rrëfim ku ndjen drithërimat e jetës së trazuar të një njeriu që në muzg të tij, i syrgjynosur diku larg në mërgim të detyruar, i vihet punës për të ndërtuar copëza, tablo, fytyra, emocione, ngjarje të së shkuarës së tij.

Jack London-Rrëfimet e një pijedashësi I tillë ishte pra, zakoni i miqve të Xhon Barleikornit: nëse përfundonte mbarë një punë e nisur, ata pinin në shenjë gëzimi; nëse kjo punë nuk mbaronte mirë, ata pinin sërish, me shpresën për një të ardhme më të mirë; nëse humbisnin, ata pinin për të mos e menduar më humbjen.

Herodoti-Historitë Një nga kryeveprat e letërsisë klasike e më në përgjithësi të letërsisë botërore të të gjitha kohëve. Jo rastësisht shumëkush e ka quajtur Herodotin si Homerin e prozës evropiane. Të tjerë e kanë quajtur atë "babai i historisë"