Description
Kjo është faqja zyrtare e bankës Raiffeisen në Kosovë Raiffeisen Bank në Kosovë është degë e Raiffeisen Bank International AG (RBI). RBI erdhi në Kosovë në fund të vitit 2002 duke blerë pjesën më të madhe të aksioneve të Bankës Amerikane të Kosovës. Në qershor të vitit 2003, RBI u bë pronare e 100% e aksioneve dhe e emërtoi Bankën si Banka Raiffeisen në Kosovë. RBI ofron shërbime dhe produkte bankare dhe investuese për kompanitë austriake dhe ndërkombëtare, një rrjet të gjerë të njësive bankare dhe lizing në Europën Qëndrore dhe Lindore për korporata dhe retail por edhe shërbime bankare investuese në Azi dhe në qendrat kryesore financiare në botë.
Total pasuritë e Bankës Raiffeisen në Kosovë Sh.A më 31 dhjetor 2015 ishin 831.4 milion euro. Kjo është një rritje prej 9 për qind në krahasim me vitin e kaluar (2014: 760.8 milion euro). Përqindja e pjesës së tregut të totalit të pasurive të Bankës Raiffeisen në Kosovë ka qenë 25 për qind (2014: 24 për qind).
Raiffeisen Bank ofron një gamë te gjerë të shërbimeve dhe produkte bankare për të gjithë klientët: individët, ndërmarrjet e vogla dhe të mesme dhe të korporatave. Që nga fillimi i punës së saj në Kosovë, Raiffeisen Bank është shumë e suksesshme duke përkrahur zhvillimin e të gjitha segmenteve me produkte të ndryshme, duke përfshirë kreditë dhe depozitat.
Për të përkrahur aktivitetet tona të biznesit dhe për të ofruar shërbime të kualitetit të lartë për klientët tanë përmes teknologjisë më të re, ne kemi vazhduar të investojmë në Teknologji informative dhe operacione. Si vlerësim për këtë, banka jonë arriti të bëhet kompania e parë në rajon e certifikuar për ISO 20000 nga Registered Quality Assurance (LRQA).
Tell your friends
CONTACT
Quiz
