Description
Mirë se vini në faqen zyrtare të shkollës sonë!
Sh.F.M.U. "Abdullah Shabani" është shkollë publike e nivelit parafillor, fillor dhe të mesëm të ulët. Shkolla “Abdullah Shabani” punën edukativo-arsimore e ka filluar në vitin shkollor 1961/1962. Në atë vit shkolla kishte rreth 300 nxënës, të cilët vijonin mësimin në dy ndërresa, ndërsa drejtor i parë ishte z.Zenel Misini.
Në vitin shkollor 1964/1965 drejtor shkolle ishte Shaban Kelmendi, periudhë kjo në të cilën shkolla ishte ndër shkollat më të njohura për punën e saj të mirë. Ndërsa në vitin shkollor 1974/1975 e deri më 1995/1996 drejtor ishte z.Shefqet Pllana, ku gjatë kësaj kohe shkolla pati një ngritje si në aspektin edukativo-arsimor, ashtu edhe në atë teknik.
Prej vitit 1996 shkollën e drejtoi z. Zekë Murseli.
Nga maji i vitit 2005 shkollën e drejton z. Haki Shyti, ku falë angazhimit dhe përkushtimit të tij dhe gjithë stafit, shkollës iu kthye renomeja e dikurshme e sukseseve.
Nga kjo shkollë kanë dal emra të njohur të jetës arsimore, kulturore e kombëtare, do veҫuar : z.Bajram Rexhepi – Kryeministri i parë i Kosovës, z.Enver Hasani – Ish Rektor i Universitetit të Prishtinës dhe ish Kryetar i Gjykatës Kushtetuese, z.Sadri Ferati – ish Ministër i Shërbimeve Publike, znj. Mevlyde Mejzini-Saraҫi- aktiviste e dalluar e çështjes kombëtare, znj. Hidajete Morina-Selmani- mësuesja e parë e kësaj shkolle, znj. Myrvete Fetahu- mësuese dhe këngëtare e parë e kësaj ane, znj. Sanije Ҫitaku – deputete dhe nënshkruese e Deklaratës Kushtetuese e Kaҫanikut.
Shkolla sot ka mbi 1000 nxënës të cilëve ju ligjërojnë 44 mësimdhënës të kualifikuar, të trajnuar e të certifikuar për metoda të reja të punës duke ngritur kështu cilësinë e mësimdhënies drejt reformave në arsim.
Tell your friends
RECENT FACEBOOK POSTS
facebook.comBlerina Gashi, nxënëse e klasës III/2 në ShFMU “Abdullah Shabani”, është shpallur fituese dhe është nderuar me çmimin e parë në kategorinë e saj, në tri turnire si kombëtare ashtu edhe ndërkombëtare në Xhudo: Kosovë (Pejë), Shqipëri (Shkodër) dhe Mal të Zi (Rozhajë). Urojmë shumë suksese Blerinës!
Donat Behrami nxënës i klasës VII/3, në Turneun e V Ndërkombëtar të Karatesë, fitoi vendin e dytë. Suksese të mëtutjeshme Donatit!
Urime 7 marsi të nderuar mësimdhënës, pishtarë të dijës dhe sakrificës!
Lajmërohen nxënësit e shkollës sonë që nesër më 28 shkurt 2018, MASHT-i ka marrë vendim që të mos zhvillohet procesi mësimor për shkak të motit të ftohtë.
Recitime, vallëzime, ekspozita, dokumentar të shkurtër e shumë aktivitete tjera të organizuara, ishin pjesë e festës në shkollën tonë. E gjithë kjo kushtuar datës historike dhe shumë të rëndësishme 17 Shkurtit - 10 vjetorit të Pavarësisë së Republikës së Kosovës. Drejtoria e shkollës dhe stafi mësimor u uron 10 vjetorin e Pavarësisë së Republikës së Kosovës!
Klasa e V me mësuesen Almadinë Hajdini Deliu, shënuan 10 vjetorin e Pavarësisë së Republikës së Kosovës me një kuiz diturie. Të gjithë nxënësit për arritjet e tyre, u shpërblyen me nga një libër .
Aftësitë për hulumtim, kreativiteti prezantues, puna ekipore, vetëbesimi janë këto virtyte që i karakterizojnë dy nga nxënësit e shkollës sonë, në fakt kërkuesit e rinj Enes Ibishi dhe Lenart Mehmeti. Ata me vetiniciativë dhe interes për qasje të ndryshme, krijuan faqen e tyre në mënyrë që informacionet nga kërkimet e tyre të përcillen edhe tek të tjerët. Ju ftojmë të pëlqeni dhe ndiqni faqen e tyre të re, nga e cila do të mësoni shumë nga shëndetësia dhe kuriozitete të ndryshme. NË PËRKRAHJE TË PUNËS HULUMTUESE TË NXËNËSVE TË SHKOLLËS SONË!
Quiz
