Bjeshkët e Belegut shtrihen në grykën e Komunës së Deçanit, përkatësisht në pjesën afër trekëndëshit Kosovë – Shqipëri – Mal i zi. Kjo faqe është nismë personale për t’i promovuar sa më shumë bukuritë natyrore të Bjeshkëve të Belegut të cilat shtrihen në grykën e Komunës së Deçanit përkatësisht në pjesën afër trekëndëshit Kosovë – Shqipëri – Mal i zi.

Në Bjeshkët e Belegut gjendet Maja e Marjashit me lartësi mbidetare 2533m apo maja e dytë për nga lartësia në Kosovë duke e pasuar Majën e Gjeravicës.

Pavarësisht që rrugët nuk janë edhe aq të mira, kjo nuk i ndalon turistët nga shumë vende për t’i vizituar këto bjeshkë.

Bjeshkët e Belegut shquhen për pozitë të mirë gjeografike për ta zhvilluar edhe skijimin por pavarësisht që disa herë ishte përfolur për investime të mundshme në këtë fushë, një gjë e tille ende nuk është arritur.

Viteve të fundit këto bjeshkë u dëmtuan shumë nga prerësit e pyjeve si dhe disa pyje të tjera u dogjën. Deri tani, askush nuk është dënuar për këto dëme që i janë shkaktuar këtyre bjeshkëve dhe as institucionet lokale e as ato qendrore nuk kanë bërë pothuajse asgjë për t’i mbrojtur.

Kjo faqe ju dedikohet juve adhurues të Bjeshkëve të Belegut. Këtu mund të postoni fotografitë tuaja të bëra në këtë bjeshkë, të jepni sugjerime për menaxhimin e faqes, etj.

Shpresoj në përkrahjen tuaj në promovimin e kësaj faqeje.