Forbairt Tuaithe na Gaillimhe Beidh Michéal Mac Donnchadha, oifigeach forbairt tuaithe in oifigí an chomharchumainn Déardaoin 20 Iúil ó 10.30 r.n/am-15.45 i.n./pm agus chuile darna Céadaoin sa mhí as seo amach. Uimhir teagmhála ná 087 1946890

SAOISTE Á LORG Scéim Fostaíochta Pobail Tá saoiste á lorg ag Údarás na Gaeltachta do Scéim Fostaíochta Pobail (Oileáin Árann). Is conradh bliana a bheidh i gceist ag tosú i mí Deire Fómhair 2017 agus d’fheadfaí síneadh ama a chur leis seo. Beidh an té a cheapfar ag feidhmiú ar na trí oileán. Bheadh sé riachtanach go mbeadh na scileanna/cáilíochtaí seo a lean ag an iarratasóir: • Cáilíocht tríú leibhéal • Ar a laghad trí bliana taithí maoirseachta/bainistíocht • Ábalta oibriú as a stuaim féin • Taithí ar Fhorbairt Pobail Tuaithe a bheith aige/aici • Sárscileanna idirphearsanta, cumarsáide agus scileanna bainistíochta ar thograí a bheith aige/aici • Scileanna oiliúna a bheith aige/aici • Scileanna ríomhaireachta • Bheith ábalta dualgais an phoist a chomhlíonadh trí mheán na Gaeilge • Ceadúnas iomlán glan tiomána/córas iompar Tá tuarastal circa €33,000 sa bhliain ag dul leis an bpost seo, ag brath ar cháilíochtaí agus ar thaithí. Tá an post seo maoinithe ag An Roinn Coimirce Sóisialaí. Seoltar iarratais, mar aon le Curriculum Vitae roimh 7 Iúil 2017 chuig an seoladh thíos. An Bainisteoir Réigiúnach Chonnacht/Laighean Údarás na Gaeltachta, Na Forbacha, Gaillimh Teil: 091 503100 Faics: 091 503101 Rphost: eolas@udaras.ie

Cuairt ar Áras an Uachtaráin Tá cuireadh ag 20 ionadaithe as Inis Oírr chuig Cóisír sa Ghairdín in Áras an Uachtaráin Dé Máirt seo chugainn 20 Meitheamh ón 2-5.30 chun pobail oileán a cheiliúradh. Má tá suim agat dul ar an turas seo fág d’ainm in oifig an chomharchumainn chomh luath agus is féidir.

Campa Samhraidh Cúlcamp Tá Kellogg’s Cúl Camp ar siúl in Inis Oírr i mbliana ón 31 Iúil go dtí 4 Lúnasa. Tá an campa seo oscailte do chailíní agus do bhuachaillí ó aois 6 bliana ar aghaidh. Is féidir áit a chur in áirithe ar an suíomh idir lín www.kellogsculcamps.gaa.ie go dtí 15 Meitheamh 2017.

Cruinniú poiblí faoin bPleanáil Teanga Beidh cruinniú poiblí ar siúl sa gcomharchumann Dé Máirt seo chugainn 9 Bealtaine ag 8.00i.n chun muintir an oileáin a chur ar an eolas faoin bplean teanga atá le leagan amach do Inis Oírr. Is Limistéar Pleanála Teanga amháin trí oileán Árann. Beidh chuile oileán ag réiteach a gcuid féin den phlean ach beidh an trí oileán ag obair le chéile freisin ar ghnéithe éagsúla den phlean iomlán. Tá baint ag an bpróiseas pleanála teanga le chuile ghné den fhorbairt pobail sa nGaeltacht. Tá an cruinniú seo ar cheann de na cruinnithe poiblí atá á n-eagrú ar an ábhar seo sa trí oileán. Tá cuireadh á thabhairt do chuile dhuine freastal ar an gcruinniú seo le hiad féin a chuir ar an eolas agus a dtuairimí agus a moltaí faoi thodhchaí na Gaeilge ar an oileán a chur chun cinn. Le go mbeidh toradh fiúntach ar an obair caithfidh muintir an oileáin ar fad a bheith páirteach i gcur le chéile an Phleain Teanga. Táthar ag súil go mbeidh ionadaíocht mhaith ag an gcruinniú ón naíonra, ón mbunscoil agus ón meánscoil idir mhúinteoirí agus tuismitheoirí, chomh maith le hionadaíocht ó chlubanna spóirt, gnóanna agus ó sheirbhísí áitiúla. Déanfaidh Bríd Ní Chualáin Feidhmeannach Pleanála Teanga le hÚdarás na Gaeltachta cur i láthair ag an gcruinniú poiblí. Feicfidh muid ar an oíche sibh!

Graveyard at Caomhan's Church #inisoirr #aranislands #ireland #graveyard #cemetery #celtic #gaelic #medieval #inisheer #galwaybay #traveler #traveller #travelphotography #getolympus

So incredible. I'll always miss Ireland. #tbt #ireland #inisoirr #galway

We invaded some gd CASTLES. #TutTut2016

10th century church #Ireland

#AncientRuins #GraveYard #AranIslands #1800 's