Për hajr ju qoftë Nata e madhe e Regaibit

Mbrëmë nga çastet e bukura në xhaminë tonë me xhematin tonë dhe musafirët Ahmed ef. Kajoshi - imam i xhematit në Frankfurt, xhemati boshnjak Kassel në krye me imamin e tyre Hfz.Mr. Amir ef. Meheljić, njëherit kryeimam për regjionin Frankfurt sidhe xhemati boshnjak në Hanau me kryetarin e tyre Enis Selimović. Allahu i shpërbleftë për vizitën e tyre, poashtu xhematin tonë dhe anëtarët e kryesisë së xhamisë tonë të cilët e treguan mikpritjen e tyre në formë më se shembullore. Allahu i shpërbleftë me shpërblimet më të larta.

Mbrëmje Kur'ani në Hanau: 03.03.2018, ora 18:00.

URIME KOSOVË PAVARËSINË.

Dje në namazin e xhumasë patëm nder që musafir i xhamisë tonë të jetë Hamdi ef. Izairi - Imam në xhaminë qendrore në fshatin Kamenjan-komuna e Tetovës, i cili me një ligjeratë dhe këshilla më se të dobishme e freskoi ambientin e kësaj shtëpie të Allahut në këtë ditë madhështore dhe e bekuar te Allahu. Allahu e shpërbleftë me shpërblimet më të larta.

Esselamu alejkum. Xhamia jonë të gjithë besimtarëve musliman, parasegjithash anëtarëve të saj ua uron Vitin e Ri musliman 1439 hixhrij. Allahu xh.sh. na bekoftë në këtë vit të ri me forca të reja, parasegjithash me shëndet dhe sukses duke e adhuruar dhe falenderuar Allahun xh. sh. në formën më të bukur duke shpresuar në kënaqësinë e Tij.

Sot në xhaminë tonë me rastin e faljes së namazit të Bajramit të Kurbanit. URIME TË GJITHËVE FESTA E BAJRAMIT TË KURBANIT.

Esselamu alejkum xhemat i nderuar. Xhamia jonë ka nderin të gjithë besimtarëve musliman, parasegjithash anëtarëve të saj t'iu uroj Festën e Kurban-Bajramit me lutje dhe shpresë për agjërim, kurbana dhe adhurime tjera të pranuara te Allahu xh.sh. Por, para tyre disa informacione të rëndësishme të cilët kanë të bëjnë me adhurimet në këto dhjetë ditët e para të këtij muaji të bekuar të dhul-hixh’xhes gjithashtu edhe për organizimin sa më të bukur të kësaj feste: ▪ Dita e Arefatit është të enjten, më 31.08.2017. - Agjërimi i kësaj dite: Sipas mendimit të shumicës së dijetarëve, agjërimi i kësaj dite është vepër e pëlqyeshme (mustehab). Mbi vlerën e agjërimit të kësaj dite Ebu Katade [radijall-llahu anhu] ka transmetuar se Pejgamberi [sal-lall-llahu alejhi we sel-lem] ka thënë: “Për agjërimin e Ditës së Arefatit shpresoj se Allahu do t’i falë gjynahet (mëkatet) e vitit të kaluar dhe vitit të ardhshëm.” [Transmeton Muslimi] - Tekbiri teshrik: Shqiptimi i këtyre tekbireve është vaxhib (oblgim) për çdo besimtar dhe besimtare muslimane dhe shqiptohet pas faljes së çdo farzi të namazi edhe atë duke filluar menjëherë pas faljes së farzit të namazit të sabahut Ditën e Arefatit dhe zgjatë deri pas faljes së farzit të namazit të iqindisë ditën e katërt të Kurban-Bajramit. Tekbiri teshrik shqiptohet kështu: “All-llahu ekber, All-llahu ekber. La ilahe ilall-llah, wall-llahu ekber, All-llahu ekber we lil-lahil-hamd.” - Kurbani: Therrja e Kurbanave sipas mendimit të shkollës tonë juridike islame hanefite është vaxhib (obligim) për çdo besimtar dhe besimtare muslimane që janë mentalisht të shëndoshë, kanë arritë moshën e pjekurisë, janë në shtëpi, pra nuk janë udhëtarë sidhe kanë pasuri të mjaftueshme për të blerë kurban. Therrja e kurbanit fillon menjëherë pas faljes së namazit të Kurban-Bajramit dhe zgjatë deri në perëndimin e diellit ditën e tretë të Kurban-Bajramit. Nëse në një familje jetojnë më shumë anëtarë, atëherë mjafton të therret një kurban për tërë familjen, ashtu siç është e lejuar që çdo anëtarë mund të therre për vete nga një kurban. - Xhamia e jonë si çdo vit më parë edhe këtë vit organizon tubimin e kurbanave, të cilët do të dedikohen medresevë tona në vendlidje. Duke shkuar nga ajo anë se numri i tyre duhet t’u lajmërohet organeve kompetente të bashkësive tona islame në vendlindje, ju kishim lutur që me kohë ta bëni pagesën dhe lajmërimin e kurbanit. ▪ Dita e I-rë e Kurban-Bajramit është të premten, më 01.shtattor 2017. - Namazi i sabahut do të falet ora 06:00. - Namazi i Kurban-Bajramit do të falet ora: 07:20. Për informata më të hollësishme mbi adhurimet e këtyre ditëve sidhe mbi aktivitetet që kanë të bëjnë me Kurban-Bajramin, mund të paraqiteni në numrat e telefonave të xhamisë tonë, mobileve, E-mail ose në faqen e rrjetit social (Facebook) të xhamisë tonë. Format e kontaktimit: - Telefoni: 069 / 35 10 39 95 - Fax: 069 / 35 10 39 99 - Mobil: 0163 / 96 40 665 - E-Mail: akv.offenbach@gmail.com - E-Mail: s.saliji@web.de - Facebook: Xhamia Shqiptare Offenbach Duke shpresuar që me prezencën tuaj ta zbukuroni këtë festë madhështore në xhaminë tonë në Festën e Kurban-Bajramit, Ju dëshirojmë çdo të mirë dhe ju mirëpresim. Mirë se Vini në xhaminë tonë. Këshilli Hoxha

Esselamu alejkum xhemat të nderuar. Xhamia jonë ka nderin të gjithë besimtarëve musliman, parasegjithash anëtarëve të saj t'iu uroj Festën e Fitër-Bajramit me lutje dhe shpresë për agjërim dhe adhurime tjera të pranuara te Allahu xh.sh. Allahu xh.sh. na mundësoftë që të presim sa më shumë ramazane bashkërisht. (Amin) - Namazi i sabahut nesër falet në ora 04:41. - Namazi i Bajramit falet nesër ora: 05:56. Duke shpresuar që me prezencën tuaj ta zbukuroni këtë festë madhështore në xhaminë tonë në Festën e Bajramit, Ju dëshirojmë çdo të mirë dhe ju mirëpresim. Mirë se Vini në xhaminë tonë. Këshilli Hoxha

Sot pas faljes së namazit të xhumasë. Një foto e bukur në këtë ditë të bekuar, në këtë muaj të bekuar, në këtë shtëpi të bekuar të Allahut xh.sh., me xhematë të nderuar. Ka thënë Pejgamberi sal-lallahu alejhi we sel-lem: "Bereqeti është në prindërit tuaj". Me Xhulin (haxhi Nuhi Aliun nga fsh. Kamenjan), dajën tim haxhi Alirami Fetahin nga fsh. Reçicë e Vogël - komuna e Tetovës; familja Izairi nga fsh. Kamenjan - komuna e Tetovës: Nebi Izairi dhe Shoip Izairi; vëllezërit: Naser, Beg dhe Dylber Zeka nga qyteti i Kamenicës, Bejtullah Ismaili nga fsh. Sedllarcë e Epërme - komuna e Tetovës sidhe kryetari i xhamisë tonë Ahmet Veliu nga fsh. Rahovicë - komuna e Preshevës. Ja pra, kështu duket vëllezërim-bashkimi i trojeve tona kombëtare me përkatësi krenare islame në xhaminë tonë.

Timeline Photos

Xhamia shqiptare në Offenbach anëtarin e vyeshëm të grupit tonë rinor Florent Aliut ia uron diplomimin në shkencat e inxhinierisë në Univerzitetin e mirënjohur me renome botërore Teknik - UT Darmstadt dhe i dëshiron sukses në ushtrimin e mëtutjeshëm në profesionin e tij. Le të jetë kjo stimulim dhe inkurajim për gjeneratat tjetra në arsimimin superior të tyre. Jemi krenar me ty Florent. Urime dhe sukses.