Lescht Woch huet den Éischt Hëllef Cours zu Beetebuerg ugefaangen, dëst mat groussem Intressi: 45 Leit engagéiere sech an de nächste Wochen fir déi wichteg Gester vun der Éischter Hëllef ze léieren, an am Noutfall kënne Liewen ze retten. Dësen a nächste Sonndeg fënnt och den Opfrëschungscours am Beräich Éischt Hëllef statt. Weider Infoen dozou fannt Dir hei: https://www.facebook.com/events/170661320148597/?fref=ts

2x eng 2. Plaz gouf et haut fir de CIBETT um nationalen Pompjeescross zu Iechternach. D'Anja Kirtz an de Steve Ceccon hun et an hiiren jeweilegen Kategorien op de Podium gepackt.

Haut den Owend fänkt den Éischt Hëllef Cours zu Beetebuerg un. De Cours ass gratis. Léiert och DIR Liewe retten - well am Noutfall kann all Sekonn entscheedent sinn. Fir Iech an är Matmenschen.

++ Auto a Brand ++ Och dës Nuecht sinn d'Pompjeeë Beetebuerg op e Brand alarméiert ginn. An der Ausfaart vun der A3 op d'A13 war en Auto a Brand geroden.

Eng Délégatioun vum CIBETT huet Haut un der Journée de la Commémoration nationale zu Beetebuerg deelgeholl.

Fannt hei all d'Fotoe vun de SecuriDays 2017 :-) Mir soen alle Bedeelegten e grousse Merci

E Sonndeg 24. September stoung déi 3. Editioun vun de SecuriDays um Programm. De ganzen Dag iwwer hu sech eng sëlleche Leit e Bild vun de Rettungsdéngschter gemaach. Nieft Ateliere vum Éischt Hëllef Team Kolléisch (EHTK) an dem CIBETT, hu Virféierunge vun de Jugendpompjeeë, vum Groupe Cynotechnique a vum CIBETT stattfonnt. Dës weideren waren eng Reih Gefierer ausgestallt. Nieft dem neien MTW fir de CIBETT waren och Ween vum CID Centre d'Intervention Dudelange an de Kran vum Service Incendie et Ambulance de la Ville de Luxembourg ze gesinn. E grousse Merci geet un all d'Membere vum CIBETT, un de CID an d'Pompjeeën Hesper fir déi materiell Ënnerstëtzung. Fotoen: Frédéric Schwarz

++ Puer Honnert Botten a Brand ++ An der Nuecht op e Samschdeg hunn zu Weiler-la-Tour puer Honnert Botte gebrannt. D'Läschaarbechten hunn déi ganz Nuecht iwwer gedauert. Op der Plaaz ware nieft dem CIBETT de CISRO - Centre d'Incendie et de Secours Roeserbann, d'Pompjeeën Uespelt an d'Pompjeeë Weiler-la-Tour

Fannt hei e Bléck hannert d'Kulisse vun de SecuriDays 2017. Preparatioune ware genuch ze treffen. E Brandhaus huet missen opgebaut ginn, all d'Stänn an de Catering opgeriicht ginn. Fotoen: Frédéric Schwarz

No laange Joere Paus war Samschdes den 23. September ërem e Pompjeesbal zu Beetebuerg, organiséiert vum CIBETT. Fannt hei e puer Andréck, festgehaale vum Frédéric Schwarz

++ Vill Aarbecht fir d'Rettungsdéngschter vu Beetebuerg ++ Um Dënschdegowend koum et op der A13 a Richtung Däitschland zu engem déidlechen Accident tëscht engem Camion an enger Camionnette. Bei de Rettungsaarbechte gouf och een Ambulancier liicht blesséiert. Kuerz drop gouf eng Dampentwécklung an der rue Michel Lentz gemellt. Dës sollt sech allerdéngs als Feelalarm erausstellen.

++ Rauchmelder fir all Neigebuerenen ++ Lauschtert hei e Reportage iwwert déi nei Campagne vum Asazzenter Beetebuerg zesumme mat der Gemeng Beetebuerg. An Zukunft wäert all Famill fir e Neigebuerenen eng Këscht mat engem Rauchmelder, Informatiounen an engem Petzi iwwerreecht kréien, dëst fir op déi liewensrettend Roll vu Rauchmelder opmierksam ze maachen.