Faqja zyrtare ne Facebook Fortesa. Dy dekada, një emër




Kapitulli I: Zanafilla

Gjithçka  nisi  më  18  mars të  vitit  1991  në  Prishtinën  e  paraluftës. Fortesa, me  4 punëtore, me  një zyre tejet  modeste dhe  me  vizionin e qartë i cili do  ta  shtyente  deri  aty  ku  është sot, filloi punën duke ofruar pllaka   dhe  produkte të  tjera   sanitare. Kështu lindi  Fortesa, emri  i së cilës shumë shpejt do të njihej e do të besohej nga të gjithë.



Kapitulli II: Hapat e parë  të rritjes

Hapat  e parë të rritjes Fortesa i përjetoi gjatë  vitit 1996, kur ajo u pajis me  deponë e parë në  Fushë  Kosovë. Me gjithë  faktin  se gjatë  kësaj kohe  nuk  ishte i mundur importimi i produkteve nga  jashtë rajonit, Fortesa arriti  që  ta  rriste përzgjedhjen e  produkteve të  shitura me përfshirjen  e  mobiljeve   të   banjos  në   koleksionin  e   saj.  Kështu, Fortesa  u   bë   e   para  në   Kosovë  për   ofrimin   e   një   numri   të mjaftueshëm të artikujve për  banjo,  ndërsa emri  i saj tashmë kishte filluar  të  jehonte. Deri  në  vitin 1999, familja  Fortesa numëronte 10 punëtorë të dedikuar.

Kapitulli III: Lufta

Viti  1999  është  vit  i  njohur  e  i  dhimbshëm  për   të   gjithë.   Lufta çlirimtare e  cila  e  kaploi  vendin  gjatë  kësaj kohe  nuk  la  familje  në Kosovë pa  e  prekur e  pa  i shkaktuar dhimbje. Me  gjithë  faktin  se humbja  e Fortesës nuk  mund të  krahasohet me  sakrificën  e dhënë nga   shumë  familje   dëshmorësh  në   Kosovë,  gjatë   luftës  Fortesa humbi  gjithçka. Të gjitha  pronat e kompanisë ishin djegur ndërsa e ardhmja, e cila dukej  aq premtuese dhe  e shëndritshme, tani  kishte
pamje disi të brishtë.




Kapitulli IV: Rimëkëmbja

Përfundimi  i  luftës  solli  një  realitet  të  hidhur  të  shkatërrimit  në Kosovë, e Fortesa nuk ishte përjashtim i këtij realiteti. Megjithatë, të ballafaquar me  një  moment kritik  për  të  ardhmen e  kompanisë, 10 punëtorët  e   Fortesës  vendosën  të   qëndrojnë  në   këmbë  dhe   të vazhdojnë me ëndrrën e tyre.