Njoftohen qytetarët të cilët marrin shërbime në Komunën e Prishtinës se për shkak të problemeve me rrjetin kemi ngadalësim të ofrimit të shërbimeve. Agjensioni i shoqërisë së informacionit është duke e sanuar problemin në pajisjet e tyre në mënyrë që të mund të vazhdojmë me shërbime efikase ndaj të gjithë qytetarëve.

Në prag të festave të fundvitit, Komuna e Prishtinës organizon Tregun e Fundvitit që ka për synim mbështetjen e bizneseve të vogla. Këto të fundit do të kenë rastin të bëjnë shitjen e produkteve ushqimore, suvenireve dhe kartolinave punëdore në 20 shtëpiza të drurit të cilat do të vendosen në sheshin “Zahir Pajaziti”. Për më shumë: http://prishtinaonline.com/lajmet/1490/thirrje-per-aplikim-per-tregun-e-fundvitit

Nesër më 4 nëntor, në ora 12:00, do të bëhet testimi i radhës i sistemit të alarmimit në qytet. Testimi do të realizohet me tingull të njëtrajtshëm sirene, në kohë zgjatje dy herë nga 30 sekonda.

Autobusë të rinj në linjën 3 Nga sot, sipas kërkesave të qytetarëve të kësaj zone, nga ora 06:10 në mëngjes e deri në ora 22:00 në mbrëmje, autobusë të rinj të Trafikut Urban do të operojnë në linjën 3. Këta autobusë, përveç që shkojnë në Kodrën e Trimave, do të vazhdojnë deri në Bardhosh, dhe në secilin stacion të kësaj pjese do të jenë çdo 10 minuta. Me Planin e Mobilitetit që kemi prezantuar ditë më parë, secila pjesë e Prishtinës do të përfshihet në transport publik.

Njoftohen qytetarët e Prishtinës që të hënën, me datën 13.11.2017 në orën 11:00, në sallën e Kuvendit të Komunës së Prishtinës do të mbahet diskutimi publik për “Rregulloren për të hyra vetanake për institucione kulturore vartëse të Komunës së Prishtinës.”

Vazhdon mbjellja e fidaneve, tani edhe në parkun tek sheshi "Adem Demaçi". Vetëm nga fillimi i vjeshtës e deri sot, janë mbjellur mbi 2500 fidane në pjesë të ndryshme të Prishtinës

Çerdhet e reja furnizohen me material didaktik dhe kënde të punës Komuna e Prishtinës ka krijuar një model të qëndrimit ditor në çerdhet me bazë në komunitet, për edukim të hershëm të fëmijëve. Këto çerdhe janë me kosto të përballueshme, dhe qëndrimi i fëmijëve në to subvencionohet nga Komuna varësisht të ardhurave që i kanë prindërit e atyre fëmijëve. Komuna e Prishtinës në bashkëpunim me UNICEF-in pas vizitës së përbashkët në çerdhet me bazë në komunitet u dakorduan për nevojën e ngritjes së kapaciteteve edukative dhe përmirësimin e cilësisë së qëndrimit ditor. Me këtë rast, UNICEF është angazhuar të sigurojë kënde të punës/leximit si dhe material didaktik, të cilat i ka dhënë si donacion sot nëpër këto çerdhe. Kjo është vetëm një nismë e një bashkëpunimi në mes të Komunës së Prishtinës dhe zyrës së UNICEF-it në fushën e edukimit dhe zhvillimit të hershëm të fëmijës, duke konsideruar se ngritja e cilësisë së programit edukativ dhe investimi në këtë grupmoshë është një ndër prioritetet e të dyja palëve.

Nga takimi me mamitë Kryetari i Komunës Shpend Ahmeti priti në takim kryetaren e shoqatës së mamive Magbule Elezi, mamitë Razie Musa dhe Shehrije Ibërdemaj, si dhe themeluesen e shoqatës Down Syndrome Kosova Leonora Shabani – Bajraktarin. Në këtë takim u diskutua lidhur me rolin e Mamisë në kujdesin primar shëndetësor, mundësinë e funksionalizimit të këshillimoreve në Qendrat e Mjekësisë Familjare, si dhe për shërbimet e patronazhit apo të vizitave të lehonave nëpër shtëpitë e tyre.

Inaugurimi i këndit të lojërave në Parkun e Qytetit, bashkë me Ambasadoren e Turqisë dhe përfaqësuesit e TIKA-s.

Kryetari i Komunës së Prishtinës Shpend Ahmeti, bashkë me Nënkryetarin Muhedin Nushi, prezantuan sot e-kiosku e ri, me shumë funksione të reja për dallim nga e-kiosku që e kemi vendosur vite më parë. Përveç certifikatës së lindjes, ekstraktit, certifikatës së vendbanimit, certifikatës së shtetësisë, certifikatës së martesës, tani në e-kioskun e ri do të mund të nxirret dhe të paguhet aty për aty fatura e tatimit në pronë. Për më tepër, në këtë e-kiosk, është edhe hapësira për informimin e turistëve, Turist Info. Në të njëjtin aparat është i vendosur edhe telefoni që lidhet direkt me Qendrën e Thirrjeve të Komunës, ku secili qytetar mund ta informojë Komunën për çdo parregullsi. Fillimisht do t’i kemi 4 e-kiosqe të tilla, që do të vendosen një tek Komuna e re, një në lagjen Kodra e Trimave, një në Qendrën e Regjistrit Civil, dhe një në bashkësinë lokale në Ulpianë. Ky e-kiosk aktualisht është më i avancuari në rajon për nga shërbimet.

Ndërmarrja Publike Banesore SH.A. Prishtinë vazhdon me renovimin dhe mirëmbajtjen e ndërtesave kolektive në Komunën e Prishtinës. Forma e kërkesës mund të shkarkohet në http://www.npbanesore.com/ apo të merret direkt në zyrat e NPB-së.