Timeline Photos

[「芝」您「心」意獅子狗] 佢並唔係一條普通嘅獅子狗！而係加咗芝心嘅邪惡獅子狗!眾所周「芝」，本來獅子狗用嚟打邊邊已經係好正，如果再加埋裡面濃郁嘅芝心效果，一啖咬落去，香濃美味，因住連隔離枱都俾您引咗埋嚟呀!之不過唔好話牛精仔無提您呀!千其唔好比佢外表呃咗，獅子狗本來係空心，並唔代表佢無得流心，佢嘅芝士係藏於表皮之下，而且凡係有流心嘅食物，仲要係打邊爐，記得唔好太心急，唔係燙親咀仔嘅話，跟住食咩都無哂心機架啦！ 話時話，獅子狗呢種食品出產咗咁多年，到宜家仲有埋芝心版本，其實您哋知唔知佢嘅來歷架呢? 既然開咗個頭，就等牛精仔講吓喇!其實獅子狗原名叫竹輪，係一種日本嘅傳統食品嚟，主要將狹鱈、鯊魚、飛魚、多線魚等的魚肉裡加上鹽、糖、澱粉、蛋白等塞入竹圈，用竹製或金屬製的粗棒狀扦子夾實，再以火烤或者蒸宗而成嘅，至於點解叫做獅子狗?咪就係因為香港８０年代無人知佢叫竹輪，又咁啱有套卡通片入面有隻獅子狗好鐘意食竹輪，啲人咪將佢改做獅子狗囉!吓?咁都得?係呀，咪就係咁囉! 講多無謂!行動至實際，今晚就嚟牛精皇打邊爐喇! 普通同埋芝士獅子狗，兩款我哋都有供應！任君選擇！快啲拎起電話打嚟留位啦! ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #芝心獅子狗　#流心 #竹輪　＃日本食品　＃引死隔離　＃開咗個頭 資料及圖片來源:互聯網

[TVB節目 <夜宵磨>大力推介牛精皇!!!] 「湯底滋味無窮；包括爽口薄身的牛頸脊在內的三層[牛皇拼盤]、[自家製紫菜響鈴]、[手打四寶丸]等配料，口感層次豐富、足料彈牙！....」 「一間火鍋店有無水準，就係睇食材!...」 非常感謝主持范振鋒帶同新進藝員魏焌皓、朱智賢到訪及評價，我地會繼續努力，保持水準!!各位牛精仔女，仲唔快啲訂位過番下牛癮?! ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #TVB #夜宵磨 #打邊爐 #滋味無窮 #牛皇拼盤 #自家製紫菜響鈴 #手打四寶丸 #范振鋒#魏焌皓 #朱智賢 資料來源:互聯網

Timeline Photos

[「天生天養」！美味不羶，濟州黑毛豬！] 韓國除咗有靚仔Oppa之外，都有好靚嘅豬仔！講緊嘅就係濟州島黑毛豬，濟州島四面環海，除咗有好出名嘅海鮮之外，當地嘅黑豚肉燒烤，亦都相當馳名！濟州人出晒名鍾意食嘅豬肉，聽講係嚟自非一般嘅豬隻，而係喺島上天生天養嘅黑毛豬，佢哋有乜咁巴閉？ 聽聞呢種黑毛豬之所以咁好味，係因為佢哋從來唔會食人造嘅合成飼料，而係食天然嘅海藻粟米，肉質肥美而且一啲都唔羶！不論燒又好，打邊爐又好，味道一樣咁出色！如果用生菜包住食，仲別有一番風味㖭架！ 有人唔鐘意打邊爐食豬肉，覺得豬肉有一定厚度烚完會無味道，唔似牛肉咁入味，咁樣只因湯底作怪姐！嚟牛精皇以足料濃味湯底打邊爐，包保您唔會食到口啖啖又哂料！韓國濟州黑豚肉等緊您架！仲唔快啲訂位？ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #濟州島 #打邊爐 #黑豚肉 #五花腩 #天生天養 #靚仔 #OPPA #韓國 資料及圖片來源:互聯網

Timeline Photos

[豆腐都會惹蜜蜂? 好似馬拉糕般鬆軟嘅蜂巢豆腐!] 莫非佢係一種甜豆腐?所以惹蜜蜂?諗多咗啦!蜂巢豆腐其實係雪凍咗嘅豆腐，只係因為雪凍後外表有一個個嘅洞似蜂巢先會有咁嘅名，同一班小蜜蜂係無任何關系架！XD 其實牛精仔覺得，與其話佢似蜂巢，不如話佢似海綿同馬拉糕，因為呢種豆腐好鬆軟，唔易散，拎嚟打邊爐一放落鍋，就會好似海綿咁吸收哂啲湯汁，入哂味真係正到痺！其實將水豆腐雪成蜂巢豆腐，除咗可以改變食法同口感之外，仲有另一個好處架!大家都知道新鮮豆腐好多時今日買就要今日食，即使係放入雪櫃，第２日都有可能變壞，非常浪費！其實只要簡單將新鮮豆腐雪凍，去除水份，咁就可以保存好耐架啦!雖然蜂巢豆腐無咁嫩滑，但係用嚟打邊爐或者汁煮都一樣有營養又夠美味架! 呢種環保又好味嘅嘢食，牛精仔又點會唔介紹過您呢？有興趣都嚟牛精皇試吓！配埋我哋特製湯底，保證您話絕配呀！ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #凍豆腐　＃蜂巢豆腐　＃馬拉糕　＃海綿 #小蜜蜂　＃環保美食 資料及圖片來源:互聯網

Timeline Photos

[黑鮮白爽！黑白雙剎牛栢葉!] 大家唔好誤會，雖然牛係有四個胃，而黑白栢葉都係屬於牛嘅第三個胃—重瓣胃嚟架!咁黑同白到底有咩分別?應該點樣揀呀？媽呀！我好亂呀！冷靜啲！揀牛栢葉姐，揀自己鐘意嘅口感咪得囉！不過首先您要知道兩種顏色有咩分別喎！ 黑栢葉係新鮮無加工嘅原有顏色，雖然佢外表唔太討好，但口感實爽實，勝在夠新鮮，因為保存問題，所以唔係度度都有得食架！而白栢葉呢，大部份人都知，呢種係經過加工而成，發水後體積變大變厚，容易保存，口感會較為爽滑有彈性，而兩者用嚟打邊爐一樣都好易吸收湯汁，夠哂入味！絕對係打邊爐必叫嘅食才之一！ 有人認為食一定要新鮮，有人就覺得口感行先，兩者之間取捨唔到？咁不如兩隻色都叫哂啦！牛精皇就係明白食客需要！黑白栢葉兩種都有齊，實行俾您食盡好滋味！ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #牛胃 #牛栢葉 #黑栢葉 #白栢葉 #第三個胃 #重瓣胃 #黑白雙剎 資料及圖片來源:互聯網

Timeline Photos

[「芝」味一族必敗！流心手打芝士牛丸!] 美國有芝士牛肉漢堡，墨西哥有芝士牛肉薄餅，日本有芝士牛肉飯，全世界大部份嘅人都已經中咗芝士毒，香港人都唔例外，樣樣野都要Cheese，簡直就係無芝不歡，而香港人咁鍾意打邊爐，牛精仔又點會唔與時並進啊？當然都要配合大眾口味，係打邊爐食品當中加入芝士元素啦！ 香港嘅手打芝士牛丸，就係其中一個例子喇！牛丸用人手打造，要做到彈力十足嘅牛丸，真係辛苦晒一班師傅嘅神力剁功，特別喺丸心釀滿creamy 幼滑嘅芝士，一啖咬落去有雙重口感，加埋熱辣辣嘅流心芝士效果，美味十足！一眾芝士迷，實在係難以抵擋呢一種嘅誘惑呀！芝士配牛肉，咪就係有呢種莫名嘅夾囉！ 為咗留住一班熟客仔個胃，牛精仔絕對唔會揸流攤，牛丸足料製成，貨真價實，嚟牛精皇，包括你食到舔舔舌！ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #牛精皇 #九龍城 #火鍋 #招牌牛精鍋 #牛精皇特色湯鍋 #牛丸 #芝士牛丸 #手打 #流心 #芝味一族 資料及圖片來源:互聯網

Timeline Photos

[魚肉夠脆靠哂游!!運動健將脆肉鯇！] 講到爽口魚類，我諗您腦海第一時間浮現嘅一定係脆魚鯇，唔少人會誤以為脆肉鯇即係等於一般草鯇，錯錯錯!雖然佢哋都係草鯇，但佢哋係經過特別飼養方式同「訓練」，用改良呢個字眼都唔夠貼切，直頭可以話係草鯇嘅超強進化版!咁到底係咩養殖方法咁巴閉呀?等牛精仔話您知啦! 首先喺水質方面，一定要充足嘅氧氣量而且水質要夠清!池塘嘅水流一定要長期保持流動，重點來了!因為咁先可以令到池中嘅魚唔會死蛇爛鱔咁停哂喺度等食，俾佢哋Ｋｅｅｐ住咁快速游動，游呀游，游到曉飛咁款，以做運動嘅原理令到佢哋肌肉韌度增加，又可以減少脂肪積聚!食個方面都好講究架!只會喂上等優質嘅蠶豆，喂前仲要先用清水浸泡一晚，軟身蠶豆可以更容易進食同消化!要養到靚脆肉鯇確實需要花好多心機架!真係抵佢咁鬼受歡迎! 嗱!鐘意食爽身魚質嘅朋友，脆肉鯇就一定係您打邊爐嘅必選之物喇!嚟牛精皇仲有脆鯇魚片同埋脆鯇魚腩兩種俾您揀，聽到都覺得「爽爽」聲，快啲訂枱啦！ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #脆肉鯇　＃進化版　＃魚片　＃魚腩　＃做運動 資料及圖片來源:互聯網

Timeline Photos

[ 徙手撻出爽滑美味超級彈膠膠! ] 牛精仔一向好敬拜對食物充滿熱誠而作出貢獻嘅人，而憑雙手親自堅持做出嘅食材，味道更加係同機器做出嚟嘅有天淵之別，而今次想講嘅手做食材，就係墨魚滑，大家都知道墨魚滑一定要起膠先會夠爽口彈牙，然而要打出一道好功夫，先會有靚嘅墨魚滑食!牛精仔講梗嘅唔係一味靠盲力撻喎，靚嘅墨魚滑都要睇事前功夫做得足唔足架! 主要材料又點少得一隻肥肥白白嘅大墨魚呢?有啲人會將原隻墨魚切件用哂，但如果想成品夠滑身，就盡量唔好用吸盤位置啦，始終嗰度比較硬身，即使絞爛咗仍然會影響最終口感!切件之後嘅步驟就係要令到墨魚肉完全乾身，最好嘅方法係用毛巾包住放雪櫃抽乾水份，如果唔夠乾身打出嚟係唔會爽口架!跟住就梗係將墨魚肉絞碎然後開始好似撻生魚咁撻佢啦!撻嘅時候每一道嘅力都要快狠準又夠節奏，仲要撻到起膠為至，反覆咁撻出嚟嘅墨魚膠先會彈力十足有咬口!呢啲咪就係手打製食品嘅奇妙之處囉! 最後一個重點就係，堅持用100%嘅墨魚肉非常重要架!用真材實料先可以有十分嘅味道，絕對唔可以加粉!一分錢一分貨!超級彈膠膠就係咁新鮮面世啦! 想食彈牙爽口嘅墨魚滑?唔洗您出力嘅，等我哋為您代勞啦!仲有好多款口味湯底俾您揀，只需要打個電話嚟訂枱就得啦！ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #大墨魚 #墨魚滑 #人手製 ＃充滿熱誠 #好功夫 #真材實料 資料及圖片來源:互聯網

Timeline Photos

[ 「鹽引蟶子」? 自捉蟶子易食到肚痛又無公德! ] 相信好多人都聽過呢個捉蟶子奇招，就係用鹽撒係洞口引出蟶子，自奇招傳開咗，因為方法簡單，所以早排就引嚟一大班人拎住包鹽去元朗下白泥自己捕捉蟶子食，佢哋呢度撒啲嗰度撒啲，搞到成個泥灘都係盬，望落好似好過癮，有得玩又有得食，但牛精仔要忠告大家，呢種做法既自私又無益! 點解? 第一，不斷响泥灘撒鹽會令水質鹽度升高八倍，咪以為每次撒少少無問題，您撒完第二個又撒，跟手第三第四個，鹽份就唔嘢少架啦，水質鹽份過高會殺死多種生物甚至影響海草生長，有機會引發生態災難! 第二，由於嗰度嘅蟶子都係野生繁殖，野生蟶子生長期比人工繁殖嘅要慢，一般需要兩至三年時間先成年，產量亦相對少，短時間內大量被捕捉會令生態失衡，最重要嘅係，蟶子係濾食性生物，水質唔夠乾淨，食落肚分分鐘出事架! 所以唔好再盲目跟風去自捕蟶子啦! 唔好為咗一啖口福而去做無公德心嘅人啦!想食?跟牛精仔嚟牛精皇啦! 新鮮紐西蘭蟶子皇，專業人工養殖，要幾肥美有幾肥美，仲保證乾淨鮮味呀! ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #鹽引蟶子 #公德心 #紐西蘭蟶子皇 ＃人工養殖　＃元朗下白泥　＃環境保育 資料及圖片來源:互聯網

Timeline Photos

[我來自廣島! 肥C大隻嘅日本新鮮廣島蠔] 故名思義，廣島蠔來自日本嘅廣島縣，位於列島西南部，由於鄰近瀨戶內海，所以廣島一帶嘅居民大多數都以販賣海產維持生計，所以嗰度除咗有靚景，亦都有大量豐富海產，而其中最出名嘅，就莫過於廣島蠔啦! 由於廣島縣擁有自家一套而且歷史悠久嘅養殖技術，加上海流穩定，浮游生物豐富，有利蠔隻繁殖，所以出產嘅廣島蠔肉質非常飽滿，蠔味濃郁兼且口感滑溜，煎炸燒煮都超級鮮味!捕獲之後採用先進嘅急速冷藏保鮮技術，保留生蠔原有嘅新鮮美味!亦都係因為咁，廣島縣成為日本首屈一指盛產蠔而聞名嘅地方，可能您會質疑，新鮮嘢梗係日本當地先食到啦!咁就錯哂啦!其實好多人都會以為冰鮮食品先叫新鮮，急凍就一定係死咗易變壞先用，牛精仔絕對要係度糾正呢個錯誤諗法呀!其實急凍食品大多都會喺捕獲後即時處理，咁做反而有效保持肉質鮮嫩以及減低細菌滋生，相反冰鮮食品運送過程太長會令食物受細菌感染嘅機會大大提高架!呢點大家要注意啦! 計牛精仔話，識食廣島蠔一定係嚟牛精皇打邊爐食，新鮮急凍運送到港，加埋自家重料濃郁湯底，Creamy肉質一啖放入口，幼滑鮮味，款款湯底都咁夾!想食新鮮廣島蠔?嚟牛精皇包您食完「滿載而歸」! ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #廣島蠔 #生蠔 #日本 ＃海產 #冰鮮食品 #急凍食品 #打邊爐 資料及圖片來源:互聯網

Timeline Photos

[西施美人+混沌昏君=雲吞?] 某某人認為雲吞麵唔配拎任何獎，但牛精仔就認為，雲吞只要做得夠精，做得有良心! 點會無資格拎獎呢?(鼻哥窿用力噴氣中)，喺香港地，幾乎每行過兩個街口就有一間食店有得食雲吞，有幾受歡迎你都有眼睇喇掛?! 不過話時話 ，雲吞都有分唔同餡料好似菜肉冬菇等等，但係雲吞到底係點嚟㗎呢？其實唔洗多講，雲吞喺香港地幾乎每行過兩個街口就有一間食店有得食，都無咩可能有人未食過，當然雲吞都有分唔同餡料好似菜肉冬菇等等，但係雲吞到底係點嚟㗎呢？ 相傳喺古代時期有位吳國末代國君，自從打羸仗金銀滿屋，仲溝到絕世美女西施之後，就更加得意忘形，終日沉醉喺酒池肉林，不問國事，絕對喺百姓心中嘅一等一昏君。有一年嘅冬至，百官潮拜喺宮廷飲宴期間，呢位昏君竟然因為食山珍海味食到厭哂，黑哂面咁，西施睇到就雞咁腳跑入廚房想整樣新嘢哄佢開心，最後佢拎咗碗一粒粒，湯裡面加咗啲蔥花、糊椒粉、蒜同埋麻油嘅食物出嚟，吳王試完大讚好味，仲食咗一大碗，佢就問西施呢樣美食咩名堂，西施個心暗串呢個昏君成日渾渾噩噩，夠哂混沌，所以就求其講話叫餛飩，真係夠哂曲線，而餛飩就係咁樣流傳至今，慢慢因為譯音而演變成今日嘅雲吞啦! 事實係咪咁牛精仔都無從稽考，但我哋嘅自家製鮮蝦雲吞皮薄餡靚就肯定堅過石堅，脹卜卜，鮮蝦一大一細連豬肉用薄皮包到實，烚熟之後都唔會散開爛哂，超級鮮味，仲有客人因為覺得餡料十足，所以將我哋嘅雲吞改咗個名叫「慷慨雲吞」，同西施一樣夠哂曲線呀!不過變左係讚美囉(牛精仔自大中…) 想食新鮮靚雲吞，打個電話嚟訂位就得啦! ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #鮮蝦雲吞 #曲線讚美 #西施 ＃餛飩 資料及圖片來源:互聯網

Timeline Photos

[ 菜味響鈴? 出奇好味? ] 響鈴，對大家嚟講可能都係好平凡打邊爐唔算突出但又通常會食到嘅其中一樣食品，眾所周知，響鈴係由腐皮油炸而成，無論配上乜嘢湯底，好多人都會覺得好正!! 其實牛精仔之前都有講過，除咗原味炸響鈴之外，我地仲有一款嘅獨特口味比您揀! 登!登!登!登! 就係「菜味」啦~ 吓？唔係掛?! 獨特成咁？放心!菜就係菜，不過係紫菜口味，將紫菜呢個新元素加入響鈴嘅做法，包您食完會講句出奇地好味呀！配以新鮮腐皮即叫即炸而成，上枱個陣仲係新鮮滾熱辣!無論濃湯清湯，佢都仍然有微微嘅紫菜味道助陣，雖然佢無三十三層，但一樣咁香脆可口!仲有呀，紫菜夾係中間起到隔油作用，絕對唔會有膩嘅感覺！ 嗱嗱嗱！雖然我哋盡咗提供最靚食材比大家呢個責任，但要食到最正最有口感嘅紫菜響鈴，其實仲要靠埋一眾食客嘅落鍋技巧架！要食到爽脆香口嘅口感，記得只需要用兩至三秒嘅時間落鍋拖一拖水就夠，除非本身個人喜好，如果唔係就會太淋無咗脆身口感架啦！ 牛精皇極力推介必點之選！ 心郁郁？唔好等啦！仲唔快啲打嚟book枱試吓新鮮即炸紫菜響鈴！ ---------------------------------------------------------------------------- 牛精皇 地址: 九龍城福佬村道60號地下 訂座電話:2716 6960 ---------------------------------------------------------------------------- 牛精皇 #九龍城 #火鍋 #招牌牛精鍋 #牛精皇特色湯鍋 #新鮮即炸紫菜響鈴 #豆品 #腐皮 資料及圖片來源:互聯網